Gujarati News

Gujarati News

News of Wednesday, 16th September 2020

ભરણ પોષણના કેસમાં જેલમાંથી પેરોલ જંપ કરનાર કેદી ધર્મેશ અનડકટ પકડાયો

પેરોલ ફરલોની ટીમે કેદીને ગ્રીનલેન્ડ ચોકડી પાસેથી દબોચ્યો : ભરણ પોષણના ૧૨.૬૮ લાખ ચડત થઇ જતા ધર્મેશ પેરોલ રજા પર છૂટ્યા બાદ ભાગી ગયો'તો

રાજકોટ,તા. ૧૬: મધ્યસ્થ જેલમાં ભરણ પોષણના કેસમાં સજા ભોગવતો કેદી પેરોલ રજા પર છૂટ્યા બાદ ફરાર થઇ જતા તેને પેરોલ ફરલો સ્કર્વોડની ટીમે ગ્રીનલેન્ડ ચોકડી પાસેથી પકડી લીધો છે.

મળતી વિગત મુજબ શહેર પોલીસ કમિશનર મનોજ અગ્રવાલ તથા જોઇન્ટ પોલીસ કમિશનર ખુરશીદ અહેમદે ફરાર કેદીઓને પકડવા માટે સુચના આપતા પેરોલ ફરલો સ્કવોર્ડના પીએસઆઇ એમ.એસ.અંસારી તથા એ.એસ.આઇ ચંદ્રકાંતભાઇ, હરપાલસિંહ ઝાલા, ધર્મેન્દ્રસિંહ જાડેજા, બાદલભાઇ દવે, હેડ કોન્સ. દિગ્વીજયસિંહ જાડેજા જાહીરભાઇ ખફી, ધીરેનભાઇ, મહંમદ અઝરૂદીનભાઇ બુખારી, ભુમીકાબેન ઠાકર, સોનાબેન મુળીયા સહિત પેટ્રોલીંગમાં હતા. ત્યારે બાદલભાઇ,ધીરેનભાઇ, મહિલા કોન્સ. ભુમીકાનબેનને મળેલી બાતમીના આધારે ગ્રીનલેન્ડ ચોકડી પાસેથી કેદી ધર્મેશ મહેશભાઇ અનડકટ (રહે. મખેજી હાઉસ પંચનાથ મંદિર પાસે હાલ મુંબઇ)ને પકડી લીધો હતો. કેદી ધર્મેશ મહિલા અત્યાચારના ગુનામાં મધ્યસ્થ જેલમાં સજા ભોગવતો હતો. ફેમેલી કોર્ટમાં ભરણ પોષણની રકમ ૧૨,૬૮,૫૦૦ ચડત થઇ જતા તેથી તે પેરોલ રજા પર છૂટ્યા બાદ ત્રણ માસથી ફરાર હતો.

(2:41 pm IST)
  • દેશમાં કોરોનાનો વધતો કહેર : રાત્રે 11-45 વાગ્યા સુધીમાં નવા 91.016 પોઝીટીવ કેસ નોંધાયા :1280 લોકોના મોત : કુલ કેસની સંખ્યા 50.17.930 થઇ :9,96,079 એક્ટીવ કેસ :વધુ 82,802 દર્દીઓ સ્વસ્થ થતા કુલ 39.39,048 રિકવર થયા : વધુ 1280 લોકોના મોત સાથે મૃત્યુઆંક 82,088 થયો access_time 12:23 am IST

  • ચીન સામેના યુદ્ધમાં પ્રાણોની આહુતિ આપવા માટે પીછેહટ નહિ કરીએ :શિયા ધર્મગુરૂએ વડાપ્રધાનને લખ્યો પત્ર : ઇમામ-એ-જુમા અને શિયા ધર્મગુરૂ મૌલાના કલ્બે જવાદે કહ્યું કે લેહ અને લદ્દાખના શિયા મુસ્લિમ ભારતની સાથે અને ચીનની વિરુદ્ધ દરેક પગલા પર ઉભા રહેશે: ભારતના કોઇ પણ નિર્ણયની સાથે અમારી કોમ એકતાથી તમામ મુદ્દા પર સમર્થન આપશે. તેના માટે જીવ ગુમાવવાનો વારો આવે તો પણ અમે જરા પણ ખટકાટ અનુભવીશું નહીં access_time 8:58 am IST

  • આલેલે... છ મહિનામાં ચીનાઓએ કોઈ ઘૂસણખોરી કરી નથી : ગૃહ બાબતોના મંત્રાલયે રાજયસભામાં જણાવ્યુ હતું કે ભારત - ચીન સરહદે છેલ્લા ૬ મહિના દરમિયાન કોઈ જ ઘૂસણખોરીનો બનાવ બન્યો નથી access_time 11:17 am IST