Gujarati News

Gujarati News

News of Thursday, 17th September 2020

જંગલેશ્વરમાં બોલેરોમાં ખીચોખીચ ભરેલા ૧૨ પાડાને મુકત કરાવતી ભકિતનગર પોલીસ

વાંકાનેરના મોહમ્મદરફિક લાખા સામે પશુ પ્રત્યે ઘાતકી વર્તનની કલમ હેઠળ ગુનો નોંધાયો

રાજકોટ તા. ૧૭: જંગલેશ્વર શેરી નં. ૨૭માં જીજે૦૨ઝેડ-૪૬૬૨ નંબરની બોલેરો પીકઅપમાં ૧૨ જેટલા પાડાને ખીચોખીચ ભરીને રાખવામાં આવ્યા હોવાની માહિતી પરથી ભકિતનગર પોલીસે પહોંચી પાડાઓને મુકત કરાવી પાંજરાપોળમાં મુકવાની કાર્યવાહી કરી હતી અને વાહન ચાલક સામે ગુનો નોંધ્યો હતો.

પોલીસે વાંકાનેર લક્ષ્મીપરાના મોહમ્મદરફિક કરીમભાઇ લાખા (ઉ.૨૬) સામે પ્રાણીઓ પ્રત્યે ઘાતકી વર્તન અટકાવવાના કાયદાની કલમ હેઠળ ગુનો નોંધી તેની ધરપકડ કરી હતી. તેણે પોતાના હસ્તકના બોલેરો પીકઅપવેનમાં ૧૨ પાડા (ત્રણથી ચાર માસની વયના) ખીચોખીચ ઘાંસચારા વગર અને હલનચલન ન કરી શકે એ રીતે ક્રુરતાપુર્વક દોરડાથી બાંધીને ભરી રાખ્યા હતાં. ૮૪ હજારના  આ પાડાઓને મુકત કરાવી પાંજરાપોળમાં મુકવાની કાર્યવાહી કરવામાં આવી હતી.

પીઆઇ જે. ડી. ઝાલાની રાહબરીમાં એએસઆઇ એન. જી. ભદ્રેચા, વિશાલભાઇ દવે, મોનીલભાઇ જોષી, ધર્મેન્દ્રસિહ જાડેજા, ઠાકરભાઇ સહિતનો સ્ટાફ પેટ્રોલીંગમાં હતો ત્યારે એન. જી. ભદ્રેચાને મળેલી માહિતી પરથી બોલેરો પીકઅપ પકડી લેવાઇ હતી. આ પાડા વાંકાનેરના હારૂનભાઇએ વેંચ્યા હતાં. ખરીદનાર તરીકે રાજકોટના કાસમભાઇ ચોૈહાણનું નામ હતું. પરંતુ પાડા કાસમભાઇને ત્યાં સદર ખાટકીવાસને બદલે જંગલેશ્વરમાં શા માટે લાવવામાં આવ્યા? તે અંગે તપાસ થઇ રહી છે.

(2:44 pm IST)
  • ગુજરાત ઉપરાંત દિલ્હી ,ઉત્તરાખંડ ,તામિલનાડુ ,તથા ઉત્તર પ્રદેશમાં 21 સપ્ટેમ્બરથી સ્કૂલો નહીં ખુલે : હરિયાણામાં સ્કૂલો ખુલી જશે : છત્તીસગઢ અને બિહાર હજુ સુધી અવઢવમાં : અનલોક 4 દરમિયાન 21 સપ્ટેમ્બરથી સ્કૂલો ફરીથી ચાલુ કરી શકવાના કેન્દ્ર સરકારના સૂચન સાથે મોટા ભાગના રાજ્યો અસંમત access_time 12:11 pm IST

  • દેશના પ્રધાનમંત્રી નરેન્દ્ર મોદી આજે 70 વર્ષના થયા છે. દેશભરમાં ભારતીય જનતા પાર્ટી PM મોદીના જન્મદિવસને 'સેવા સપ્તાહ' તરીકે મનાવી રહી છે. આ સાથે જ દિગ્ગજ નેતાઓ દ્વારા PM મોદીને જન્મદિવસની શુભેચ્છાઓ પાઠવવામાં આવી રહી છે. રાષ્ટ્રપતિ રામનાથ કોવિંદથી લઇને ગૃહમંત્રી અમિત શાહ, રક્ષા મંત્રી રાજનાથસિંહ, કોંગ્રેસ નેતા રાહુલ ગાંધી અને અન્ય મોટા નેતાઓએ પીએમ મોદીને જન્મદિવસની શુભેચ્છા પાઠવી. access_time 9:17 am IST

  • સરદાર સરોવર ડેમની સપાટી 138 મીટર : નર્મદા ડેમ અંગે અંગે નાયબ મુખ્યમંત્રી નીતિનભાઈ પટેલે કહ્યું- સરદાર સરોવર ડેમની સપાટી 138 મીટર થઈ:ડેમમાં હાલ પાણીની આવક ચાલુ: વડાપ્રધાન મોદીના જન્મ દિવસે નર્મદા ડેમ ભરાઈ જશે: ઉદ્યોગો, પશુઓ અને ખેતીને ફાયદો થશે: પાણીની આવકના કારણે પાવર હાઉસ ચાલુ છે. access_time 12:52 am IST