Gujarati News

રાજકોટ,તા. ૧૭: જામનગરમાંથી ટુ વ્હીલરની ચોરી કરી રાજકોટમાં ફેરવતા બે શખ્સોને ક્રાઇમ બ્રાંચે ઝડપી લીધા હતા. મળતી વિગત મુજબ ક્રાઇમ બ્રાંચના પીઆઇ વી.કે.ગઢવીના માર્ગદર્શન હેઠળ પીએસઆઇ પી.એમ. ધાખડા, હેડ કોન્સ. અમીતભાઇ, વિરેન્દ્રભાઇ, નગીનભાઇ, કુલદીપસિંહ, સંજયભાઇ સહિત પેટ્રોલીંગમાં હતા. ત્યારે નગીનભાઇ ડાંગર અને અમીતભાઇ અગ્રવાતને મળેલી બાતમીના આધારે જામનગરના જોડીયા તાલુકાના હડીયાણા ગામના રાજેશ ઉર્ફે રાજુ બાબુભાઇ મકવાણા (ઉવ.૨૪) અને દીવ્યેશ ઉર્ફે દીવો પીઠાભાઇ મકવાણા (ઉવ.૨૨) ને ચોરાઉ એકસેસ સાથે પકડી લીધા હતા. પોલીસે બંનેની પુછપરછ કરતા જામનગરના રાહુલ ઉર્ફે મનોજ ચૌહાણ અને પારસ ઠાકોરના નામ ખુલતા બંનેની શોધખોળ હાથ ધરી છે.