Gujarati News

Gujarati News

News of Saturday, 21st November 2020

ચેતી જાવ, સમજો... : કોરોનાથી અને દંડથી બચોઃ પોલીસના જાહેરનામા ભંગના ૮૭ કેસ

બેથી વધુ મુસાફર ભરી નીકળેલા ૩૦ રિક્ષાચાલકો, માસ્ક વગર અને ત્રણ સવારીમાં નીકળેલા ૨૧ બાઇકચાલકો પકડાયાઃ ૩૧ વેપારીઓ સામે સોશિયલ ડિસ્ટન્સ ભંગનો ગુનોઃ પોલીસ કાર્યવાહી વધુ કડક બનાવવામાં આવશે

રાજકોટ તા. ૨૧: કોરોનાનું સંક્રમણ અટકાવવા પોલીસ સતત લોકડાઉન અને અનલોકના નિયમોનું પાલન કરાવી રહી છે. બીજા તબક્કામાં કોરોનાના કેસ વધી રહ્યા છે અને રાત્રી કર્ફયુ અમલી બનાવાયો છે ત્યારે લોકો હવે થોડા વધુ ચેતે, સમજે  અને વિચારે તેમજ જાહેરનામા-નિયમોનું પાલન કરે તો દંડથી અને કોરોનાથી એમ બંને રીતે બચી શકાશે. ગત સાંજથી આજ સવાર સુધીમાં શહેર પોલીસે અલગ-અલગ નિયમોના ભંગ બદલ ૮૭ કેસ દાખલ કર્યા છે. રિક્ષામાં બેથી વધુ મુસાફરો બેસાડી નીકળનારા, માસ્ક વગર અને ત્રણ સવારીમાં બાઇક પર નીકળેલા તેમજ દૂકાનો પર સોશિયલ ડિસ્ટન્સનો ભંગ કરનારા વેપારીઓ સામે પોલીસે કાર્યવાહી કરી છે. જેની વિગતો આ મુજબ છે.

શહેરમાં કોરોના મહામારીના પગલે જાહેર કરાયેલા જાહેરનામાના અમલ માટે પોલીસ સક્રિય કામગીરી કરી રહી છે. કોરોનાના સંક્રમણને અટકાવવા માટે પોલીસ દ્વારા જાહેરનામાનો ફરી અમલ શરૂ કરવામાં આવ્યો છે. જેમાં ગઇકાલે અલગ - અલગ વિસ્તારોમાં દુકાન બહાર ગ્રાહકો વચ્ચે સોશ્યલ ડીસ્ટન્સન જાળવનારા વેપારીઓ  તથા બીનજરૂરી લટાર મારવા નિકળેલા લોકો સામે કાર્યવાહી કરવામાં આવી હતી જેમાં એ.ડીવીઝન, બી ડીવીઝન, થોરાળા, માલવીયનગર, પ્રદ્યુમનનગર, આજી ડેમ, ગાંધીગ્રામ, યુનિવર્સિટી અને તાલુકા પોલીસ દ્વારા ગઇકાલે અલગ -અલગ વિસ્તારમાં ચેકીંગ હાથ ધરી ૮૭ કેસ દાખલ કર્યા છે જેમાં બે થી વધુ મુસાફરોને લઇને નીકળનારા ૩૦ રીક્ષા ચાલકો, માસ્ક પહેર્યા વગર ત્રીપલ સવારી નિકળનારા ર૧ બાઇક ચાલકો તેમજ જુદા જુદા વિસ્તારમાં રેસ્ટોરન્ટ, ચા ની હોટલ, પાનની દુકાન - લારી - ગલ્લા બહાર ગ્રાહકો વચ્ચે સોશ્યલ ડીસ્ટન્સ ન જાળવી જાહેરનામાનું પાલન ન કરનારા ૩૧ વેપારીઓને પકડી જાહેરનામા ભંગની  કાર્યવાહી કરવામાં આવી હતી.

(4:24 pm IST)
  • અયોધ્યા રામ મંદિર નિર્માણ ટ્રસ્ટની મિટિંગ આવતીકાલ રવિવારે દિલ્હીમાં મળશે : એલએન્ડટી, ટાટા કન્સલ્ટન્સી, સોમપુરા કન્સ્ટ્રક્શન તથા દૂરદર્શન સાથેના કરારો અંગે નિર્ણય લેવાશે : ટ્રસ્ટના મહાસચિવ ચંપતરાય ,ટ્રસ્ટી ડો.અનિલ મિશ્ર, વિમલેન્દ્ર મોહન પ્રતાપ મિશ્ર સહિતના અગ્રણીઓ હાજરી આપશે access_time 1:49 pm IST

  • અરવલ્લી જિલ્લાનું ધનસુરા 48 કલાકમાં 30થી વધુ કેસ આવતા 23 નવેમ્બર સુધી જનતા કરફયુ : આજથી સજ્જડ બંધ રહેશે access_time 11:20 pm IST

  • કોરોના મહામારી કરતા પણ ભારતમાં ધાર્મિક કટ્ટરતા અને ઉગ્ર રાષ્ટ્રવાદ વધુ ખતરનાક છે : કોંગી અગ્રણી શશી થરૂરના પુસ્તક ' ધ બેટલ ઓફ બીલોગિંગ ' ના લોન્ચિંગ પ્રસંગે પૂર્વ ઉપરાષ્ટ્રપતિ હમીદ અંસારીનું વિવાદાસ્પદ વિધાન : આ અગાઉ દેશમાં મુસ્લિમો અસુરક્ષિત હોવાનું બયાન કર્યું હતું : આંતર રાષ્ટ્રીય યોગ દિવસના કાર્યક્રમમાં પણ ભાગ લીધો નહોતો access_time 12:14 pm IST