Gujarati News

Gujarati News

News of Sunday, 22nd November 2020

કોરોના પર કાબુ મેળવવા મ.ન.પા.ની અનોખી ઝુંબેશ

શનિવારી બજારમાં ૨૦૦ માસ્કનું વિતરણ : વધુ ૯ હોટલ - પાનની દુકાનો સીલ

ભારત પાન, ડીલકસ પાન, ખેતલા આપા પાન એન્ડ ટી-સ્ટોલ, શકિત પાન એન્ડ ટી-સ્ટોલ, ડે.કમિશનર એ.કે.સિંઘના માર્ગદર્શન તળે ટીમો ત્રાટકી

રાજકોટ તા. ૨૧ : સરકારશ્રી દ્વારા કેટલીક શરતો સાથે લોકોને પોતાનો વ્યવસાયની છૂટ આપવામાં આવેલ છે ત્યારે લોકોએ સામાજિક અંતર રાખવું, માસ્ક પહેરવું જેવા નિયમોનું પાલન કરવું આવશ્યક છે. આમ છતાં શહેરમાં સોશિયલ ડિસ્ટન્સનો અને ફરજીયાત માસ્ક અંગેના ભંગ કરતા ધંધાર્થીઓ અને લોકો વધુ સતર્ક બને, સમજદારીથી પોતાની નાગરિક ફરજ બજાવે તેવા ઉમદા આશય સાથે રાજકોટ મહાનગરપાલિકા દ્વારા દંડ વસુલ કરવાની કાર્યવાહી હાથ ધરવામાં આવેલ છે. શહેરમાં કોરોના વધુ ના વકરે એ માટે આ નિયમોના પાલન માટે તંત્ર વધુ સતર્ક રહી નિયમોનો ભંગ કરનાર લોકો સામે કડક કાર્યવાહી કરશે. શહેરના જે-જે સ્થળોએ સોશિયલ ડિસ્ટન્સનો ભંગ થાય છે તેવા સ્થળોએ દંડ અથવા સીલ કરવાની કાર્યવાહી કરવામાં આવશે. કાલાવડ રોડ પર દર શનિવારે બજાર ભરાય છે, જે સંદર્ભે આજે શનિવારી બજારમાં માણસોના ટોળા જોવા મળતા નાયબ મ્યુનિ. કમિશનરશ્રી એ.આર.સિંહ સહિતના અધિકારીઓ દ્વારા સ્થળ પર જઈને ૨૦૦ થી વધુ માસ્કનું વિનામુલ્યે વિતરણ કરવામાં આવ્યું હતું તેમજ માણસોને જનજાગૃતિ અંગે ફરજીયાત માસ્ક પહેરવું અને સોશિયલ ડિસ્ટન્સનું પાલન કરવા સુચના આપવામાં આવી હતી. મ્હો અને નાક સરખું ઢંકાઈ એ રીતે માસ્ક પહેરવા માર્ગદર્શન પણ આપવામાં આવ્યું હતું. ઉપરાંત ગઈકાલ બપોરથી આજ બપોર સુધીમાં મહાનગરપાલિકાએ સોશિયલ ડિસ્ટન્સનો ભંગ થયાનું જોવા મળતા કુલ ૯ હોટલ - પાનની દુકાનો આગામી ૭ દિવસ માટે સીલ કરેલ છે.

દરમ્યાન રાજકોટ મહાનગરપાલિકા શહેરીજનોને એવી અપીલ કરે છે કે, લોકો ફરજીયાત માસ્ક પહેરે એ જરૂરી છે. કેટલાક લોકોએ માસ્ક પહેર્યું હોય છે પરંતુ તેમના નાક અને મ્હો ઉઘાડા હોય છે. આવા નાગરિકો સામે પણ દંડની વસૂલાત કરવાની કાર્યવાહી કરવામાં આવશે. લોકો માસ્ક એવી રીતે પહેરે જેથી મ્હો અને નાક બરોબર ઢંકાયેલ રહે. રાજકોટ મહાનગરપાલિકાનો આશય લોકોને દંડિત કરવાનો નહી પરંતુ તેઓ સાવચેતી રાખે અને પોતાના તથા અન્ય લોકોના સ્વાસ્થ્યના હિતમાં વ્યવસ્થિત માસ્ક પહેરે તે જરૂરી છે.

દરમ્યાન ગઈકાલ બપોરથી આજ બપોર સુધીમાં સોશિયલ ડિસ્ટન્સના ભંગ બદલ જે દુકાનો સીલ કરવામાં આવેલ છે તેમાં ૮૦ ફૂટ રોડ અમુલ સર્કલ પાસે ભારત પાન એન્ડ કોલ્ડ્રીંકસ, ડીલકસ પાન, ગેલેકસી પાન એન્ડ કોલ્ડ્રીંકસ, બાબા પાન એન્ડ કોલ્ડ્રીંકસ, સંતોષ કોલ્ડ્રીંકસ, શકિત ટી સ્ટોલ, ખેતલાઆપા પાન એન્ડ ટી તેમજ આત્મીય કોલેજ સામે કાલાવડ રોડ ખાતેના ખેતલાઆપા ટી સ્ટોલ અને શકિત ટી સ્ટોલનો સમાવેશ થાય છે.

રાજકોટ મહાનગરપાલિકા લોકોને ખાસ અપીલ કરે છે કે, ઘરની બહાર નીકળવાનું ટાળો, અને બહુ જ જરૂરી કામે બહાર નીકળવાનું થાય તો મ્હો અને નાક ઢંકાઈ તે માસ્ક પહેરવું. વારંવાર સાબુથી હાથ સાફ કરવા, સોશિયલ ડિસ્ટન્સનું પાલન કરવું, પોતે કોરોનાથી બચશે તો અન્ય અને પોતાના પરિવારને કોરોનાથી બચાવી શકાશે.

(2:52 pm IST)
  • કોરોના મહામારી કરતા પણ ભારતમાં ધાર્મિક કટ્ટરતા અને ઉગ્ર રાષ્ટ્રવાદ વધુ ખતરનાક છે : કોંગી અગ્રણી શશી થરૂરના પુસ્તક ' ધ બેટલ ઓફ બીલોગિંગ ' ના લોન્ચિંગ પ્રસંગે પૂર્વ ઉપરાષ્ટ્રપતિ હમીદ અંસારીનું વિવાદાસ્પદ વિધાન : આ અગાઉ દેશમાં મુસ્લિમો અસુરક્ષિત હોવાનું બયાન કર્યું હતું : આંતર રાષ્ટ્રીય યોગ દિવસના કાર્યક્રમમાં પણ ભાગ લીધો નહોતો access_time 12:14 pm IST

  • અમેરિકી નાગરિકોને અફઘાનિસ્તાન છોડી દેવા અપાયેલ ચેતવણી:કાબુલ, અફઘાનિસ્તાનમાં બહુવિધ રોકેટ હુમલા થયાના પગલે અમેરિકાએ તેના નાગરિકોને અફઘાનિસ્તાન છોડી બહાર નીકળી જવા માટે ચેતવણી સાથે અપીલ કરી છે. ( પ્રતીકાત્મક તસ્વીર) access_time 12:44 am IST

  • અયોધ્યા રામ મંદિર નિર્માણ ટ્રસ્ટની મિટિંગ આવતીકાલ રવિવારે દિલ્હીમાં મળશે : એલએન્ડટી, ટાટા કન્સલ્ટન્સી, સોમપુરા કન્સ્ટ્રક્શન તથા દૂરદર્શન સાથેના કરારો અંગે નિર્ણય લેવાશે : ટ્રસ્ટના મહાસચિવ ચંપતરાય ,ટ્રસ્ટી ડો.અનિલ મિશ્ર, વિમલેન્દ્ર મોહન પ્રતાપ મિશ્ર સહિતના અગ્રણીઓ હાજરી આપશે access_time 1:49 pm IST