Gujarati News

રાજકોટ તા. ૨૧: માધાપર ગામ આંબેડકરનગર-૧માં રહેતાં મહેશ ઉર્ફ લક્કી વિઠ્ઠલભાઇ પરમાર (ઉ.વ.૨૫)ને પોલીસ કમિશનર મનોજ અગ્રવાલે પાસામાં ધકેલી દીધો છે.  મહેશ ઉર્ફ લક્કી દારૂના ગુનામાં સંડોવાયો હોઇ તેને પાસામાં ધકેલવાની દરખાસ્‍ત મુકવામાં આવતાં પોલીસ કમિશનર શ્રી મનોજ અગ્રવાલે મંજુર કરી હતી અને અમદાવાદ જેલ હવાલે કરવા આદેશ કર્યો હતો. ગાંધીગ્રામ પીઆઇ કે. એ. વાળા, પીએસઆઇ આર. એસ. પટેલ, હેડકોન્‍સ. હીરાભાઇ રબારી, કોન્‍સ. બ્રિજરાજસિંહ ઝાલા, વનરાજભાઇ લાવડીયા, દિવ્‍યરાજસિંહ જાડેજા, ગોપાલભાઇ પાટીલ, દિગ્‍વીજયસિંહ ગોહિલ, દિનેશભાઇ વહાણીયા, અમીનભાઇ, કિશોરભાઇ કનુભાઇ, શિવભદ્રસિંહ અને ભુમિકાબેન સોલંકીએ વોરન્‍ટ બજવણી કરી હતી.