Gujarati News

Gujarati News

News of Saturday, 23rd January 2021

પરાપીપળીયાની એકતા સોસાયટીમાં અગરબત્તીના વેપારી પ્રફુલભાઇ ચૌહાણનો એસીડ પી આપઘાત

દુકાનેથી ઘરે આવ્યા બાદ પગલુ ભર્યુ : દેણુ કારણભુત હોવાની પોલીસને શંકા

રાજકોટ,તા.૨૩ : જામનગર રોડ પરાપીપળીયા ગામ પાસે એકતા સોસાયટીમાં રહેતા અગરબત્તીના વેપારીએ એસીડ પી આપઘાત કરી લેતા અરેરાટી વ્યાપી ગઇ છે.

મળતી વિગત મુજબ પરાપીપળીયા ગામે એકતા સોસાયટીમાં રહેતા અને અટીકામાં અગરબત્તીની દુકાન ધરાવતા પ્રફુલભાઇ દિલીપભાઇ ચૌહાણ (ઉવ.૫૦) ગઇકાલે બપોર દુકાનેથી ઘરે આવ્યા બાદ તેણે એસીડ પી લીધુ હતું.

તે ઉલ્ટીઓ કરવા લાગતા પત્ની સહિતના પરિવારજનો દોડી આવ્યા હતા અને પોતે એસીડ પી લીધુ હોવાનું જણાવતા તેને તાકીદે સારવાર માટે સિવિલ હોસ્પિટલમાં ખસેડાયા હતા ત્યાં તેનું સારવાર દરમ્યાન મોત નિપજ્યુ હતું. બનાવની જાણ થતા ગાંધીગ્રામ પોલીસ મથકના હેડ કોન્સ રાહુલભાઇ વ્યાસ સહિતે હોસ્પિટલે પહોંચી તપાસ હાથ ધરી હતી.

મૃતક પ્રફુલભાઇને સંતાનમાં બે પુત્રી છે. ધંધો બરાબર ચાલતો ન હોઇ દેણું થઇ જતા તેણે આ પગલું ભર્યુ હોવાની પોલીસે શંકા વ્યકત કરી છે. તેણે કયા કારણોસર આ પગલુ ભર્યુ તે અંગેનું કારણ જાણવા પોલીસે તપાસ હાથધરી છે.

(3:29 pm IST)
  • યુવાઓને વધુને વધુ ટિકીટ આપવામાં આવશે : સી.આર. પાટીલ : ભાજપમાં યુવાઓને વધુ ટીકીટ અપાશે તેવા સંકેત પ્રદેશ પ્રમુખ સી.આર.પાટીલે આપ્યો છે : ૫૫થી વધુ ઉંમરના લોકો ટીકીટ ન માંગે તેમ જણાવી ટીકીટ માટે તૈયારીઓ કરી રહેલા સીનીયર કાર્યકર્તાઓને સંકેત આપ્યો હતો access_time 12:52 pm IST

  • ધો.૯ અને ૧૧ના વર્ગો શરૂ થઈ શકે છે : ભુપેન્દ્રસિંહજીએ આપ્યા સંકેત : શિક્ષણમંત્રી ભુપેન્દ્રસિંહજી ચુડાસમાએ જણાવ્યુ હતું કે આગામી દિવસોમાં ધો.૯ અને ૧૧ના વર્ગો પણ શરૂ થઈ શકે છે : હાલ ધો. ૧૦ અને ૧૨ની શાળાઓમાં શિક્ષણકાર્ય ચાલુ છે અને શાળાઓ હાલ નોર્મલ જેવી સ્થિતિ જોવા મળી રહી છે : આ અંગે ૨૭મીએ ચર્ચા - વિચારણા કરવામાં આવશે access_time 12:17 pm IST

  • કોરોના કેસોમાં, દેશમાં કેરળ અને મહારાષ્ટ્ર સતત ટોચ ઉપર : છેલ્લા ૨૪ કલાકમાં કેરળમાં ૭ હજાર આસપાસ અને મહારાષ્ટ્રમાં ૩૦૦૦ આસપાસ નવા કોરોના કેસ નોંધાયા : આસામમાં સૌથી ઓછા ૧૭, હિમાચલમાં ૪૧, ગોવામાં ૭૦, ઝારખંડ ૭૫, જમ્મુ અને કાશ્મીર ૮૮, ઉત્તરાખંડ ૧૧૦ કેસ નોંધાયા છે : ૪૫૧ નવા કેસ સાથે દેશભરમાં ગુજરાત છઠ્ઠા નંબરે access_time 11:33 am IST