Gujarati News

Gujarati News

News of Friday, 25th September 2020

ફોર્ડ કારમાં 'દેશી'ની હેરફેરઃ ફુલઝરના ચેતન અને મહેન્દ્રને ૧૨૦૦ લિટર દારૂ સાથે ક્રાઇમ બ્રાંચે પકડ્યા

જે. વી. ગોહિલ, અભીજીતસિંહ, ઇન્દ્રજીતસિંહની બાતમી પરથી સરધારથી લોઠડાના રસ્તે કાર્યવાહી

રાજકોટ તા. ૨૫: ચોટીલાના ફુલઝર ગામના ચેતન મેરૂભાઇ વિકમા (ઉ.વ.૨૫) અને મહેન્દ્ર ઉર્ફ લાલો દિનેશભાઇ ગીડા (ઉ.વ.૨૦) નામના બે કાઠી શખ્સને સરધારથી લોઠડા ગામ જવાના રસ્તા પર એન્ડેવર ફોર્ડ કાર જીજે૦૩ઇસી-૪૦૪૪માં રૂ. ૨૪ હજારનો ૧૨ લિટર દેશી દારૂ ભરીને નીકળતાં ક્રાઇમ બ્રાંચે પડકી લઇ કુલ રૂ. ૫,૨૪,૦૦૦નો મુદ્દામાલ કબ્જે લીધો હતો.

આ બંને દેશી દારૂની કોથળીઓના બાચકા ભરીને નીકળ્યા છે તેવી બાતમી ડીસીબીના હેડકોન્સ. જે. વી. ગોહિલ, અભીજીતસિંહ જાડેજા અને કોન્સ. ઇન્દ્રજીતસિંહ ગોહિલ તથા અશોક ડાંગરને મળતાં પીઆઇ યુ. બી. જોગરાણા અને ટીમે પકડી લીધા હતાં. પોલીસ કમિશનર શ્રી મનોજ અગ્રવાલ, જસીપી ખુરશીદ અહેમદ, ડીસીપી પ્રવિણકુમાર મીણા, ડીસીપી મનોહરસિંહ જાડેજા, એસીપી ક્રાઇમ ડી.વી. બસીયાની રાહબરી હેઠળ પીઆઇ વી. કે. ગઢવી, પીએસઆઇ જોગરાણા, એએસઆઇ બી.આર. ગઢવી, સી.એમ. ચાવડા, હેડકોન્સ. સંતોષભાઇ મોરી, કરણભાઇ મારૂ અને બાતમી મળી એ કર્મચારીઓએ આ કામગીરી કરી હતી. બંને કયાંથી દારૂ લાવ્યા અને કોને આપવા જતાં હતાં? તેની તપાસ કોવિડ ટેસ્ટ કરાવાયા બાદ થશે.

(11:43 am IST)
  • જમ્મુ કાશ્મીરમાં લશ્કર-એ-તૈયબાના બે આતંકી ઠારઃ ઓપરેશન શરૂ : જમ્મુ-કાશ્મીરના અનંતનાગ ખાતે આંતકીઓ સાથેની અથડામણમાં લશ્કર-એ-તૈયબાના બે આતંકી ઠાર મરાયા છે. સુરક્ષાદળોનું ઓપરેશન ચાલુ છે. access_time 11:29 am IST

  • દેશમાં કોરોનાનો કહેર : રાત્રે 12 -30 વાગ્યા સુધીમાં નવા 85,919 પોઝીટીવ કેસ નોંધાયા : કુલ કેસની સંખ્યા 58,16,103 થઇ: હાલમાં 9,69,972 એક્ટિવ કેસ: વધુ 81,141 દર્દીઓ સ્વસ્થ થતા કુલ 47,52,991 લોકોએ કોરોનાને મ્હાત આપી : વધુ 1144 લોકોના મોત સાથે મૃત્યુઆંક 92 ,317 થયો access_time 1:02 am IST

  • નેપાળમાં ૪૮ કલાકથી ભારે વરસાદ ચાલુ: જાનહાનિ અને ખાના-ખરાબી: નેપાળમાં મંગળવારથી સતત મધ્યમથી ભારે વરસાદ પડી રહ્યો છે. શીલાઓ ગબડતા, ભૂમિ ધસી પડતા ૧૨ના મોત થયા છે અને ૯ લાપતા છે access_time 12:21 am IST