Gujarati News

Gujarati News

News of Friday, 25th September 2020

પીજીવીસીએલના એમ.ડી.નું ૨૫ હજારનું બ્રેસલેટ પ્યુન મદીનાબેને ચોર્યુ...પાછુ આપવા પાંચ હજાર માંગ્યા!

લક્ષ્મીનગરમાં આવેલી કચેરીના એડી. જનરલ મેનેજરની ફરિયાદ પરથી પોલીસે પ્યુન સામે હાથ ધરી કાર્યવાહી

રાજકોટ તા. ૨૫: નાના મવા રોડ લક્ષ્મીનગરમાં આવેલી પીજીવીસીએલ કચેરીના એમ.ડી.નું રૂ. ૨૫ હજારનું બ્રેસલેટ ચોરાઇ જતાં અને આ બ્રેસલેટ પ્યુન મહિલા પાસે હોઇ તેણે પાછુ જોઇતું હોય તો રૂ. પાંચ હજાર આપવા પડશે તેમ અન્ય મહિલા કર્મચારીને કહેતાં આ અંગે મહિલા પ્યુન સામે પોલીસ ફરિયાદ નોંધાવાઇ છે.

બનાવ અંગે માલવીયાનગર પોલીસે  નાના મવા રોડ પર આવેલી પીજીવીસીએલના એડીશનલ જનરલ મેનેજર અવિનાશભાઇ રૂપસિંહ કટારા (ઉ.વ.૪૭)ની ફરિયાદ પરથી આ કચેરીમાં જ પ્યુન તરીકે નોકરી કરતાં મદીનાબેન મકરાણી સામે આઇપીસી ૩૮૧ મુજબ ચોરીનો ગુનો નોંધી તેની પુછતાછ હાથ ધરી છે.

અવિનાશભાઇએ ફરિયાદમાં જણાવ્યું છે કે ૨૩/૯ના સાંજે સાતેક વાગ્યે અમારા એમ.ડી.ના એકઝીકયુટિવ આસીસ્ટન્ટે મને જણાવ્યું હતું કે આપણા એમ.ડી. સાહેબનું કાળા મોતીની ડિઝાઇનવાળુ અંદાજે ૨૫ હજારની કિંમતનું હાથમાં પહેરવાનું બ્રેસલેટ ગુમ થયું છે. સવારે તેઓ ઓફિસે આવ્યા ત્યારે હાથમાં હતું. આ બાબતે તપાસ કરવા કહેતાં સિકયુરીટી ગાર્ડ બ્રીજરાજસિંહ જાડેજાને આ અંગે મેં વાત કરતાં તેણે કહ્યું હતું કે આવું એક બ્રેસલેટ તેણે પ્યુન મદીનાબેન પાસે જોયું હતું.

આથી મેં મદીનાબેનને બ્રેસલેટ અંગે પુછતાં તેણે પહેલા તો ના પાડી હતી. પરંતુ  બાદમાં હા પાડી હતી. એ પછી બીજા કર્મચારી પ્રવિણાબેન પરમારને મદીનાબેને કહ્યું હતું કે બ્રેસલેટ તો મારી પાસે જ છે, પરંતુ પાછુ જોઇતું હોય તો મને રૂ. ૫૦૦૦ આપે તો જ પાછુ આપીશ. અંતે તેના વિરૂધ્ધ ફરિયાદ નોંધાવી હતી. હેડકોન્સ. એ. જે. કાનગડે આરોપીની પુછતાછ કરવા તજવીજ હાથ ધરી છે.

(12:14 pm IST)
  • દેશમાં કોરોનાનો કહેર : રાત્રે 12 -30 વાગ્યા સુધીમાં નવા 85,919 પોઝીટીવ કેસ નોંધાયા : કુલ કેસની સંખ્યા 58,16,103 થઇ: હાલમાં 9,69,972 એક્ટિવ કેસ: વધુ 81,141 દર્દીઓ સ્વસ્થ થતા કુલ 47,52,991 લોકોએ કોરોનાને મ્હાત આપી : વધુ 1144 લોકોના મોત સાથે મૃત્યુઆંક 92 ,317 થયો access_time 1:02 am IST

  • દેશમાં કોરોનાના કહેર વચ્ચે આજે નવા કેસ કરતા સ્વસ્થ થનારની સંખ્યામાં વધુ :કુલ કેસનો આંક 59 લાખને પાર પહોંચ્યો : રાત્રે 12-30 વાગ્યા સુધીમાં દેશમાં 85,465 નવા કેસ નોંધાયા : કુલ કેસની સંખ્યા 59,01.571 થઇ : 9,61,159 એક્ટીવ કેસ : વધુ 93,166 દર્દીઓ સ્વસ્થ થતા કુલ 48,46,168 રિકવર થયા : વધુ 1093 લોકોના મોત સાથે મૃત્યુઆંક 93,410 થયો access_time 12:51 am IST

  • પટણામાં પપ્પુ યાદવના કાર્યકર્તાઓની બેફામ ધોલાઇ કરતા ભાજપ કાર્યકર્તાઓઃ મોટો હંગામો : પપ્પુ યાદવની જનશકિત પક્ષના કાર્યકરો ખેડૂત વિરોધી ખરડાનો વિરોધ કરવા પહોંચતા જ ભાજપ કાર્યકર્તાઓ લાઠીઓ લઇ તૂટી પડયા હતાઃ બેફામ ધોલાઇ કરી : પપ્પુ યાદવના કાર્યકરો હાથ જોડી માફી માગતા નજરે પડેલ પણ ભાજપના કાર્યકર્તાઓએ ધોલાઇ ચાલુ જ રાખેલ access_time 12:51 pm IST