Gujarati News

Gujarati News

News of Friday, 25th September 2020

વિદ્યાનગર મેઇન રોડની ન્યુ ચિરાયુ કોવીડ હોસ્પીટલ સામે બે દર્દીની વધુ પૈસા અંગે કલેકટરમાં ફરીયાદ

મૌખીક ફરીયાદ કરી હોય દર્દીના સગાઓને સાંજે બોલાવતા સીટી પ્રાંત-૧

રાજકોટ તા. રપઃ શહેરની ખાનગી કોવીડ હોસ્પીટલોમાંથી ઘણી ખરી હોસ્પીટલ કોરોના દર્દીઓ પાસેથી વધુ પૈસા પડાવતી હોવાની વ્યાપક ફરીયાદો છે. આ સંદર્ભે સીટી પ્રાંત-૧ શ્રી ગઢવી દરરોજ દર્દી-હોસ્પીટલના સંચાલકોને નોટીસો પાઠવી દર્દીઓને માટે કાર્યવાહી કરી રહ્યા છે.

આજે વિદ્યાનગર મેઇન રોડ ઉપર ઉભી થયેલ ન્યુ ચિરાયુ કોવીડ હોસ્પીટલ સામે બે દર્દીએ વિવિધ પ્રકારના વધુ નાણા લીધાની મૌખીક ફરીયાદ સીટી પ્રાંત-૧ શ્રી સિધ્ધાર્થ ગઢવી સમક્ષ કરતા તપાસ હાથ ધરાઇ છે.

શ્રી ગઢવીએ દર્દીઓના સગાઓને સાંજે બોલાવ્યા છે, અને લેખીતમાં ફરીયાદ આપવા તથા જે જે પ્રકારે નાણા લીધા હોય તેની તમામ વિગતો આપવા પણ જણાવ્યું છે.

(3:40 pm IST)
  • મ્યુ.કોર્પોરેશનના વધુ બે ઓધિકારીઓ કોરોનાની ઝપટે ચડયા : મ્યુ.કોર્પોરેશનનાં વધુ બે અધિકારીઓ સંક્રમિત થતા ફફડાટ : ઇન્ચાર્જ સિટી ઈજનેર કોટક તથા મેડિકલ ઓફીસર વિકાસનો રિપોર્ટ પોઝિટીવ આવ્યોઃ અત્યાર સુધીમાં ૨૦૦થી વધુ અધિકારી, કર્મચારીઓ કોરોના પોઝિટિવ આવ્યા હતા. access_time 3:36 pm IST

  • સુવિખ્યાત પ્લેબેક સિંગર એસ.પી. બાલાસુબ્રમનિયમ નું નિધન : ગયા મહિને કોરોના સંક્રમિત થયા હતા : કોરોના સામેનો જંગ હાર્યા : આજ 25 સપ્ટે.2020 શુક્રવારે બપોરે 1 કલાક અને 4 મિનિટે અંતિમ શ્વાસ લીધા : બૉલીવુડ સહીત વિશાળ ચાહક વર્ગમાં શોકનું મોજું access_time 1:58 pm IST

  • ખાનગી શાળાઓનો ફીનો મુદ્દો હજુ અદ્ધરતાલ : વાલી મંડળે ૫૦%ની માંગણી કરી : શિક્ષણમંત્રીએ ૨૫%ની ફી માફીની દરખાસ્ત કરી : ફરી ૨૯મીએ શિક્ષણમંત્રી સાથે વાલીમંડળની બેઠક મળશે access_time 4:06 pm IST