Gujarati News

Gujarati News

News of Monday, 26th October 2020

પૈસાની ઉઘરાણી મામલે પ્રણવ શાહનો પગ ભાંગી નાંખનારાની સીપી કચેરીના લીમડા નીચે પુછતાછ

બે લાખની ઉઘરાણી મામલે સાઇધામના યુવાન પર મિત્ર અલ્તાફ ઉર્ફ પિન્ટુ અને અજય ઉર્ફ કાલીએ હુમલો કર્યો હતોઃ થોરાળા પોલીસે કાયદાનું ભાન કરાવ્યું

રાજકોટ તા. ૨૬: ગોકુલધામ સોસાયટી પાછળ સાંઇધામ-૬માં રહેતાં પ્રણવ મયુરભાઇ શાહ (ઉ.વ.૨૩) પર ભાવનગર રોડ પર જયનાથ પેટ્રોલ પંપ પાસે પૈસાની ઉઘરાણી મામલે તેના જ મિત્ર અલ્તાફ ઉર્ફ પિન્ટુ સલિમભાઇ મલેક અને ગંજીવાડાના અજય ઉર્ફ કાલી મગનભાઇ મેર (ઉ.વ.૨૫)એ ધોકાથી હુમલો કરી પગ ભાંગી નાંખી મારી નાંખવાની ધમકી આપતાં ફરિયાદ થઇ હતી. થોરાળા પોલીસે આ બંને આરોપીઓને પકડી લીધા હતાં. બપોરે બંનેને પોલીસ કમિશનર કચેરી ખાતેના લીમડા નીચે આગવી ઢબે કડવાણી પીવડાવી કાયદાનું ભાન કરાવાયું હતું.

પ્રણવએ અનલોક-૧ વખતે પૈસાની જરૂર પડતાં મિત્ર એવા અલ્તાફ ઉર્ફ પિન્ટુ   પાસેથી નાણા લીધા હતાં. ચાર ટકા વ્યાજે લેવાયેલા બે લાખની ગઇકાલે ઉઘરાણી કરી અત્યારે જ પૈસા પાછા નહિ આપ તો જીવતો મારી નાંખીશ તેમ કહી હુમલો કરાતાં પ્રણવનો પગ ભાંગી ગયો હતો. પીઆઇ જી. એમ. હડીયાની રાહબરીમા ગુનો નોંધાયો હતો. હેડકોન્સ. એ. જી. પરમાર સહિતે આરોપીઓની ધરપકડ કરી હતી. બંનેને પોલીસ કમિશનરશ્રી મનોજ અગ્રવાલ સમક્ષ રજૂ કરાયા હતાં. એ પછી બંનેને કાયદાનું ભાન કરાવવામાં આવતાં લીમડા નીચે ઓય માડી ઓય બાપાના અવાજો થયા હતાં.

(2:42 pm IST)
  • નરેન્દ્રભાઈ મોદી વિડીયો કોન્ફરન્સ દ્વારા મંગળવારે તકેદારી અને ભ્રષ્ટાચાર વિરોધી રાષ્ટ્રીય પરિષદનું ઉદઘાટન કરશે. access_time 10:08 pm IST

  • ' ભારતની લોકશાહી ખતરામાં ' : દેશની અર્થ વ્યવસ્થા ઉપર ગંભીર સંકટ : વાણી સ્વાતંત્ર્ય ઉપર તરાપ : સીબીઆઈ તથા આઈએનએ જેવી એજન્સીઓ પ્રાઈમ મિનિસ્ટર અને હોમ મિનિસ્ટરના ઈશારે કામ કરી રહી છે : વિપક્ષોને ડરાવવા અને ધમકાવવા માટે આ એજન્સીઓનો ઉપયોગ થઇ રહ્યો છે : કોંગ્રેસ અધ્યક્ષ સોનિયા ગાંધીનો મોદી સરકાર ઉપર હુમલો access_time 2:04 pm IST

  • સ્ટોકસ અને સેમસને રાજસ્થાનની પ્લે ઓફની આશા જીવંત રાખીઃ બંને ખેલાડીઓ વચ્ચે થયેલી ૧૫૨ રનની અણનમ ભાગીદારીએ મુંબઈને ૮ વિકેટે હરાવ્યુ : ચેન્નઈ આઈપીએલમાંથી બહાર જનારી પહેલી ટીમ બની access_time 12:47 pm IST