Gujarati News

રાજકોટ તા. ર૬ :.. તાજેતરમાં સરકારે ૩૯ નાયબ મામલતદારોને પ્રમોશન આપી મામલતદાર બનાવી તાકીદે ચાર્જ સંભાળવા આદેશો કર્યા હતાં.

આ સંદર્ભે આજે રાજકોટ કલેકટરમાં જામનગર-પાટણથી પ્રમોશન સાથે મુકાયેલા બે મામલતદારોએ એડી. કલેકટરશ્રી પરિમલ પંડયા સમક્ષ હાજર થઇ ચાર્જ સંભાળી લીધો હતો. જામનગરથી કોટડાસાંગાણી મુકાયેલા શ્રી વસોયા તથા પાટણથી લોધીકા મામલતદાર મુકાયેલા કે. કે. રાણાવસીયાએ ચાર્જ સંભાળી - પ્રારંભે મગફળી ખરીદીની કામગીરી શરૂ કરી છે, અત્રે એ નોંધનીય છે કે હજુ ગોંડલ શહેર, ગોંડલ-ગ્રામ્ય, જસદણ-જેતપુર મામલતદારની જગ્યા ખાલી છે, તો મધ્યાહન ભોજન ડે. કલેકટરની જગ્યા પણ પુરાઇ નથી, સ્ટેમ્પ ડયુટી ડે. કલેકટર પણ બાકી છે.