Gujarati News

રાજકોટ તા. ૨૭: બેડીપરા શ્રમજીવી  સોસાયટી શેરી નં. ૮/૧૦ના ખુણે રહેતાં જેઠા દેવરાજભાઇ રાજૈયાના ઘરમાં વિદેશી દારૂ હોવાનો બાતમી કોન્સ. નરસંગભાઇ ગઢવીને મળતાં દરોડો પાડવામાં આવતાં જેઠો મળ્યો નહોતો. પણ ઘરમાંથી રૂ. ૪૫૦૦નો ૯ બોટલ દારૂ મળતાં કબ્જે કરાયો હતો. જેઠાની શોધખોળ હાથ ધરવામાં આવી છે.

પીઆઇ જી. એમ. હડીયા, પીએસઆઇ જી. એસ. ગઢવી, હેડકોન્સ. ભુપતભાઇ વાસાણી, આનંદભાઇ પરમાર, કોન્સ. નરસંગભાઇએ આ કાર્યવાહી ડીસીપી પ્રવિકુમાર મીણા, એસીપી એચ. એલ. રાઠોડની રાહબરીમાં કરી હતી.