Gujarati News

Gujarati News

News of Tuesday, 27th October 2020

સામે કાંઠે વોર્ડ નં.૬માં કામદાર વીમા યોજના હોસ્પિટલના સ્થળે બાળકોની હોસ્પિટલ તથા સ્ત્રીઓ માટે પ્રસુતિગૃહ બનાવોઃ મુકેશ રાદડીયા

રાજકોટ, તા.૨૭: શહેરના ઉપલા કાંઠે દૂધસાગર રોડ ઉપર આવેલ કામદાર વીમા હોસ્પિટલ જે છેલ્લા ઘણા વર્ષોથી બંધ જેવી હાલતમાં અથવા નહીવત કામગીરીમાં હોય. તો ત્યાં બાળકોની હોસ્પિટલ અથવા સ્ત્રી પ્રસુતીગૃહ બનાવવા વોર્ડ-૬ના કોપોરેટર મુકેશભાઇ રાદડિયા, દલસુખભાઇ જાગાણી, દેવુબેન જાદવ, સજુબેન કળોતરા તથા વિસ્તાર વાસીઓની માંગણી છે.

ભૂતકાળમાં વર્ષો પહેલા કામદાર વીમા હોસ્પિટલમાં ફેકટરીઓના કામદારોની સારવાર થતી અને દવાઓ મળતી પણ અત્યારના સમયે તેનો નહીવત ઉપયોગ હોય આ કામદાર વીમા યોજના હોસ્પિટલની વિશાળ જગ્યા હાલતમાં હોય ત્યાં બાળકોની હોસ્પિટલ તથા સ્ત્રી પ્રસુતીગૃહ બને તો પડતર જગ્યાનો સદઉપયોગ થઇ શકે તેમ છે.

ઉપલા કાંઠે એક પણ સરકારી બાળકોની હોસ્પિટલ તથા સરકારી પ્રસુતીગૃહ ન હોય જો અમારી માંગણીને ધ્યાનમાં લેવામાં આવે તો વોર્ડ-૬ તથા ઉપલા કાંઠાની જનતાને દુર-દુર સુધી જવુ ન પડે તેવી અમારી તથા વિસ્તાર વાસીઓની માંગણી છે.

(2:35 pm IST)
  • પાકિસ્તાનના પેશાવરમાં આવેલા મદ્રેસામાં વિસ્ફોટ : 7 બાળકોના મોત : 70 ઘાયલ : પોલીસ તપાસ ચાલુ access_time 12:42 pm IST

  • ભારતનો વિકાસ આ વર્ષે નેગેટીવ અથવા ઝીરોની નજીક રહેશે : નાણામંત્રી સીતારમનની જાહેરાત access_time 6:15 pm IST

  • પોતાના પુત્રને બદલે મોદીજી વડાપ્રધાન થઇ જતા સોનિયાજી દુઃખી દુઃખી : કોંગ્રેસ અધ્યક્ષ સોનિયા ગાંધીએ વડાપ્રધાન શ્રી નરેન્દ્ર મોદી ઉપર લોકતંત્ર ખોખલું કરી નાખવાના કરેલા આક્ષેપો સામે ભાજપનો વળતો પ્રહાર : કેન્દ્રીય મંત્રી પ્રકાશ જાવડેકરે સોનિયા ગાંધીના આક્ષેપોને બેબુનિયાદ ગણાવ્યા access_time 7:51 pm IST