Gujarati News

રાજકોટ તા. ૨૮: નાના મવા સર્કલ પાસે આવાસ યોજના કવાર્ટરના મેદાનમાં જીજે૦૩એચએ-૭૭૯૧ નંબરની ઇકો કારમાં દારૂનો જથ્થો હોવાની બાતમી પરથી ક્રાઇમ બ્રાંચની ટીમે દરોડો પાડી રૂ. ૧,૧૦,૪૦૦નો ૨૬૪ બોટલ દારૂ ભરેલી કાર ઝડપી લીધી હતી. આરોપીની શોધખોળ થઇ રહી છે.

પીઆઇ વી. કે. ગઢવીની રાહબરીમાં પીએસઆઇ એસ. વી. સાખરા, હેડકોન્સ. ધીરેનભાઇ માલકીયા, કોન્સ. મહેશભાઇ મંઢ, હિરેન સોલંકી, ભગીરથસિંહ ઝાલા, ઉમેશ ચાવડા, દિપક ડાંગર, સંજય ચાવડા, યોગીરાજસિંહ જાડેજા, જયપાલસિંહ ઝાલા, કિરતસિંહ ઝાલા સહિતે આ કામગીરી પોલીસ કમિશનર શ્રી મનોજ અગ્રવાલ, જેસીપી ખુરશીદ અહેમદ, ડીસીપી પ્રવિણકુમાર મીણા, ડીસીપી મનોહરસિંહ જાડેજા, એસીપી ક્રાઇમ ડી. વી. બસીયાની સુચના મુજબ કરી હતી. દારૂ અને કાર કોના છે? તે અંગે તપાસ થઇ રહી છે.