Gujarati News

રાજકોટ, તા.૨૮: વર્તમાન પરિસ્થિતિમાં વરસાદી વાતાવરણ હોય ખુબજ પાણી આ સિવીલ હોસ્પિટલમાં ટ્રોમાં સેન્ટર સામેના બીલ્ડીંગમાં તળીયે (સેલર)માં ગંદા પાણી ભરાતા, વોટર વર્કસ સમિતિનાં ચેરમેન બાબુભાઇ આહિરને જાણ થતાં તુરત જ રાજકોટ મહાનગરપાલીકા વોટર વર્કસ શાખાનાં તંત્રને દોડાવી કામગીરી શરૂ કરાવી હતી.

આ જગ્યા પર આવેલ ગંદુ પાણી એન્જીન-(મોટર) દ્વારા ખેંચી ઉલેચી પરિસ્થિતીનું નિવારણ લવાયુ હતુ.

રાજકોટ સિવીલ હોસ્પિટલમાં આ સેલરમાં ગંદુ પાણી ભરાતા લીફટ બંધ પડેલ અને જેને કારણે દર્દીઓને છેલ્લા ત્રણ દિવસ ખુબ જ ગંભીર પરિસ્થિતીનો સામનો કરવો પડેલ, આ બાબતે હોસ્પિટલના કાઉન્સેલર જયંત ઠાકરે વોટર વર્કસ સમિતિના ચેરમેન બાબૂભાઇનું ધ્યાન દોર્યુ હતુ.

બાબુભાઇ આહિર અને જયંત ઠાકરે ઉપરોકત પરિસ્થિતીની માહિતી મેળવી તુરંત કામગીરી શરૂ કરાવી આ વિકટ પ્રશ્ન હલ કરાવ્યો હોવાનું એક યાદીમાં જણાવેલ છે.