Gujarati News

Gujarati News

News of Saturday, 28th November 2020

મ.ન.પા.માં જુદી જુદી ચાર કેડરોમાં ૯ જગ્યા માટે અ..ધ..ધ...૩૯૨૦ ઉમેદવારો કાલે પરીક્ષા આપશે

વર્ક આસિસ્ટન્ટ, આસિસ્ટન્ટ મેનેજર, ઈન્સેકટ કલેકટર, નાયબ કાર્યપાલક ઈજનેરની જગ્યા માટે લેખીત પરીક્ષા

રાજકોટ, તા. ૨૮ :. મ્યુ. કોર્પોરેશનમાં જુદી જુદી ૪ કેડરમાં ૯ જગ્યાની ભરતી માટે તંત્ર દ્વારા આવતીકાલે તા. ૨૯ને રવિવારે જુદા જુદા પાંચ સ્થળોએ લેખીત પરીક્ષાનું આયોજન કરાયુ છે. જેમાં અધ...ધ... ૩૯૨૦ જેટલા ઉમેદવારો બેસવાના છે.

જેમાં એચ.એચ. શુકલા કોલેજ (ભીચરી) ખાતે વર્ક આસિસ્ટન્ટની પરીક્ષા માટે ૫૧૨, આસિ. મેનેજર માટે ૪૮૦, ઈન્સેકટ કલેકટર માટે ૨૨૪ તથા નાયબ કાર્યપાલક ઈજનેર માટે ૨૦૮ ઉમેદવારો પરીક્ષા આપશે.

જ્યારે શુકલા કોલેજ વૈશાલીનગરમાં વર્ક આસિસ્ટન્ટના ૧૧૨, આસિ. મેનેજરના ૧૧૨, ઈન્સેકટ કલેકટરના ૧૧૨ અને નાયબ કાર્યપાલક ઈજનેરના ૧૧૨ ઉમેદવારો પરીક્ષા આપશે.

તેમજ આજ કોલેજના બીજા વિભાગમાં વર્ક આસિ.ના ૧૯૨, આસિ. મેનેજરના ૧૬૦, ઈન્સેકટ કલેકટરના ૧૮૩ તથા નાયબ ઈજનેરના ૧૮૨ ઉમેદવારો પરીક્ષા આપશે.

જ્યારે સૌરાષ્ટ્ર યુનિવર્સિટીના કન્વેશનલ સેન્ટરમાં વર્ક આસિ.ના ૭૩૬ તથા આસિ. મેનેજરના ૧૨૨ ઉમેદવારો પરીક્ષા ઉપરાંત કણકોટ લાભુભાઈ ત્રિવેદી કોલેજમાં માત્ર વર્ક આસિસ્ટન્ટના ૪૭૩ ઉમેદવારોની જ પરીક્ષા લેવાશે.

આમ કાલે માત્ર ૯ જગ્યા માટે ૩૯૨૦ ઉમેદવારો લેખીત પરીક્ષા આપશે.

(3:17 pm IST)
  • અમદાવાદ શહેરમાં કોરોના વિસ્ફોટ :કોરોનાનું સંક્રમણ વધ્યું, ગોતા,બોડકદેવ અને થલતેજ બન્યા હોટસ્પોટ ઝોન: અમદાવાદ મહાનગરપાલિકા દ્વારા વધુ 24 વિસ્તારોને માઈક્રો કન્ટેનમેન્ટ ઝોનમાં મુકાયા access_time 11:51 pm IST

  • 30 નવેમ્બરના રોજ વારાણસી જશે નરેન્દ્રભાઈ : ગંગા નદીમાં બોટ રાઇડ કરશે : વડાપ્રધાન શ્રી નરેન્દ્રભાઈ મોદી ૩૦ નવેમ્બરે વારાણસીની મુલાકાતે આવી રહ્યા છે તેઓ ગંગા નદીમાં બુટ મુસાફરી કરશે અને કાશી વિશ્વનાથ મંદિરની મુલાકાત પણ લેશે. વારાણસીના રાજઘાટ પર દીપ પ્રગટાવશે તથા વારાણસી અને પ્રયાગરાજ વચ્ચે એક નવા હાઇવેનું ઉદઘાટન કરશે access_time 10:45 am IST

  • દેશમાં કોરોનાથી રિકવર થનારની સંખ્યા 88 લાખને પાર પહોંચી : રાત્રે 11 વાગ્યા સુધીમાં કોરોનાના નવા 41,465 કેસ નોંધાયા:કુલ કેસનો આંકડો 93,92,689 થયો :એક્ટીવ કેસ 4, 52, 960 થયા: વધુ 41,974 દર્દીઓ સ્વસ્થ થતા કુલ 88,00,860 રિકવર થયા :વધુ 482 લોકોના મોત સાથે કુલ મૃત્યુઆંક 1,36,720 થયો access_time 12:04 am IST