Gujarati News

Gujarati News

News of Tuesday, 29th September 2020

વાંકાનેરની ગૌશાળામાં વલ્લભભાઇ અને જયંતીભાઇ પટેલની નિમણૂક

રાજકોટના બે આગેવાનોને અંધ અપંગ ગાયોની વધુ સેવાની તક

રાજકોટ તા. ર૯ :.. વાંકાનેરના જીનપરામાં આવેલ શ્રી અંધ - અપંગ ગૌ આશ્રમ ટ્રસ્ટમાં વ્યવસ્થાપક કમીટી મેમ્બર તરીકે રાજકોટના પૂર્વ ડેપ્યુટી મેયર વલ્લભભાઇ દૂધાત્રા તથા આંતરરાષ્ટ્રીય હિન્દુ પરિષદના અગ્રણી ભરત મોબાઇલ શોપવાળા જયંતીભાઇ ખૂંટની (પટેલ) નિમણુંક કરવામાં આવી છે.

વલ્લભભાઇ અને જયંતીભાઇ જાહેર જીવનના વર્ષોના અનુભવી છે. અંધ - અપંગ ગૌશાળા માટે વર્ષોથી સહયોગી રહ્યા છે. સંસ્થાના ગૌસેવાનો વ્યાપ વધારવામાં બન્નેની શકિતનો ઉપયોગ કરવા સંચાલક મંડળે તેમને સભ્યપદે સ્થાન આપ્યું છે.

(3:35 pm IST)
  • નાગપુર સહિત પૂર્વ વિસ્તારમાં ચોમાસાનો અંતિમ રાઉન્ડ ચાલુ ૧૦ ઓકટોબર પહેલા ચોમાસું પાછું ખેંચાશે નહીં : આ ચોમાસાની સિઝનનો ગાજવીજ સાથે વરસાદનો અંતિમ રાઉન્ડ નાગપુર સહિત પૂર્વ વિદર્ભમાં ચાલી રહ્યો છે. ૩૦ સપ્ટેમ્બરથી અહીં ગરમ અને સૂકું હવામાનની સંભાવના છે. ૧૦ ઓકટોબર પહેલા ચોમાસુ પાછું ખેંચવાની શકયતા નથી. access_time 3:59 pm IST

  • દેશમાં કોરોનાના કહેર વચ્ચે સતત ઘટતા નવા કેસ અને રિકવર થનારની વધતી સંખ્યા : રાત્રે 12 વાગ્યા સુધીમાં નવા 80,500 કેસ નોંધાયા:કુલ કેસની સંખ્યા 62,23,519 થઇ હાલમાં 9,40,473 એક્ટીવ કેસ: વધુ 86,061 દર્દીઓ સ્વસ્થ થતા કુલ 51,84,634 રિકવર થયા : વધુ 1178 લોકોના મોત સાથે મૃત્યુઆંક 97,529 થયો access_time 1:04 am IST

  • તામિલનાડુમાં 31 ઓક્ટોબર સુધી લોકડાઉન : થોડી છૂટછાટ સાથે લોકડાઉન આખા ઓક્ટોબર માસ સુધી અમલી બનાવાયું access_time 7:49 pm IST