રાજકોટ
News of Saturday, 23rd January 2021

ગાંજા સાથે પકડાયેલા જંગલેશ્વરના અબ્દુલ અને હનીફ ડીટેઇનઃ જેલહવાલે

નવા કાયદા હેઠળ કાર્યવાહી કરતા પોલીસ કમિશ્નર અગ્રવાલઃ ભકિતનગર પોલીસે વોરન્ટ બજવણી કરીઃ પોરબંદર અને અમદાવાદ જેલહવાલે કરાયા

રાજકોટ તા. ૨૩: ગાંજા સાથે પકડાયેલા જંગલેશ્વરના બે શખ્સો અબ્દુલ સુમારભાઇ જુણાચ (ઉ.વ. ૪૫-રહે. જંગલેશ્વર શેરી-૭ કાજલ પાનની પાછળ) તથા હનીફ ઉર્ફ ગની જુશબભાઇ લીગડીયા (ઉ.વ.૫૩ ધંધો રીક્ષા ડ્રાઇવીંગ, રહે. જ ંગલેશ્વર ગાંધી સોસાયટી શેરી નં. ૧૮)ને નવા કાયદા હેઠળ ડિટેઇન કરી જેલહવાલે કરાયા છે.

ભકિતનગર પોલીસ સ્ટેશન  વિસ્તારમાં અગાઉ માદક પદાર્થ ગાંજાના જથ્થા સાથે પકડાયેલા આ શખ્સો વિરૂધ્ધ PIT NDPS કાયદા હેઠળ દરખાસ્તો તૈયાર કરીને મોકલવા પોલીસ કમિશ્નરશ્રી મનોજ અગ્રવાલે સુચના તેમજ માર્ગદર્શન આપતા  દરખાસ્ત તૈયાર કરી ડીજીપી ( સી.આઇ.ડી. ક્રાઇમ અને રેલ્વેઝ) સમક્ષ મોકલાતા તેમણે દરખાસ્ત મંજુર કરી આ કાયદાની કલમ-૩ હેઠળ બંનેને અટકાયતમા ં લેવા હુકમો કરી વોર ંટ ઇસ્યુ કરતાં અબ્દુલને પોરબંદર જેલમાં અને હનીફને અમદાવાદ જેલમાં ધકેલાયો છે.

આ કામગીરી ભકિતનગર પીઆઇ જે. ડી.ઝાલા, પીસીબીના ઇન્ચાર્જ પીઆઇ આર.વાય.રાવલ, હેડ કોન્સ. નિલેષભાઇ મકવાણા, ધનશ્યામભાઇ મેણીયા, કોન્સ.ભાવેશભાઇ મકવાણા, રણજીતસિ ંહ જાડેજા, હોમગાર્ડ હાર્દીક પીપળીયા તથા પી.સી.બી. શાખાના હે.કો. રાજુભાઇ દહેકવાલ, શૈલેષભાઇ રાવલ, ઇન્દ્રજીતસિંહ સીસોદીયા, રાહુલગીરી ગૌસ્વામિ તથા CID CRIME ગા ંધીનગરના પો.કોન્સ. પારસભાઇ ટાંક, હિતેષભાઇ મેરીયા સહિતે કરી હતી.

(11:46 am IST)