Gujarati News

(પી.આઇ. ગોસ્વામી દ્વારા) ઢાંક, તા. ૩ :  ઉપલેટા તાલુકા પંચાયતની સ્થાનિક ચૂંટણીમાં ઢાંક-૧માં રસ્મિતાબેન શાંતિલાલ પાનસેરીયા કોંગ્રેસ પક્ષ તરફથી વિજયી થયા છે. તેમજ ઢાંક-ર માં નીતાબેન લાખાભાઇ વારગીયા ભાજપ પક્ષ તરફથી વિજય થયેલા છે. ઉપલેટા તાલુકામાં આવેલા જીલ્લા પંચાયતની મોટીપાનેલી સીટ ઉપર કોંગ્રેસના મીરાબેન જતિનભાઇ ભાલોડીયા તેમજ નાગવદરની સીટ ઉપર ઉભેલા કોંગ્રેસના ઉમેદવાર ચેતનાબા જયદેવસિંહ વાળા અને ઢાંક-રની શીટ ઉપર વિજય થયેલા કોંગ્રેસના ઉમેદવાર રસ્મિતાબેન શાંતિલાલ પાનસેરીયા અને મોટી પાનેલી-રના કોંગ્રેસના હર્ષબેને મનોજભાઇ ઝાલાવાડીયા સહિતના વિજયી થયેલા ઉમેદવારો ઢાંકના સિધ્ધિ વિનાયક ગણેશ મંદિર દર્શન કરવા આવેલા હતા ઢોલ-નગારા સાથે કોંગ્રેસના કાર્યકરોએ વિજેતા ઉમેદવારોનું સ્વાગત કર્યુ હતંુ અને પાંચ વર્ષ સુધી પ્રજાના સેવાના કાર્યો કરવા માટે લોકોને વિશ્વાસ આપેલ છે. તેમજ ઉમેદવારોએ વિજયી બનાવવા બદલ પ્રજાનો આભાર વ્યકત કરેલ છે.