Gujarati News

Gujarati News

News of Thursday, 10th September 2020

જોડિયા વિસ્તારમાં સરકારી ખરાબો પર દબાણ વધ્યા

વિપક્ષ બેકફુટ-શાસક અને સરકારીતંત્ર કુંભકરણની ભુમિકામાં

(રમેશ ટાંક દ્વારા) જોડિયા તા.૧૦ : પંચાયતી રાજમાં શાસકોના પાપે સ્થાનિક સ્તરે સરકારી ખરાબો અને નિચાણવાળા વિસ્તારમાં દબાણ વ્યાપક રીતે વધ્યુ છે જેના લીધે દર વર્ષે વરસાદી પાણી નિકાલ બંધ થતા જોડિયાની પ્રજાને મુશ્કેલીનો સામનો કરવો પડે છે. રાધાકૃષ્ણ મંદિરના નિચાણવાળા વિસ્તાર અને ક્રોઝવેની બંને બાજુ ઠેર ઠેર ઢોર વાળાનુ દબાણ વધ્યુ છે.

ઉપરાંત ઘર શાળા, ચાર ધામ અને ગીતા મંદિરનો જોડિયાના પાછલો ખેડૂત માર્ગ રાજાશાહી વખતમાં ૬૦% ફુટનો ધરાવતો હતો. જે પંચાયતી રાજમાં તે ખેડૂત માર્ગમાં બંને બાજુ ગેરરીતે મકાનોનુ નિર્કાણ થઇ ચુકયુ છે. ઉપરાંત માર્ગથી સીમ વિસ્તારનું પાણી નિકાલ પણ હતો. જે દબાણથી પ્રભાવિત બનેલ છે. જોડીયાની પંચાયતબોડી જે તે શાસકો દ્વારા અનેક વખત દબાણ સામે ઠરાવ કરી ચુકેલ છે.પરંતુ તેનો અમલ કરવામાં શાસકો અને સરકારી તંત્ર મૌન છે. દબાણના મુદ્દેથી પ્રજાના મનથી ચુંટાયેલા જન પ્રતિનિધિનું મૌનનું પાછળ મતનું રાજકારણ દેખાઇ રહ્યુ છે.

જોડીયાનો અતિ નિચાણવારો વિસ્તાર જોડીયા અને લક્ષ્મીપરા વચ્ચેનો વિસ્તાર જે વરસાદી પાણીના નિકાલ માટે જાણીતો હતો. ક્રોઝવે અને માર્ગની આજુબાજુમાં શાસકોની મિઠી નજર હેઠળ ગેરકાયદેસર મકાનો ખડકલો જોવા મળી રહી છે. વરસાદી પાણી ઉપરાંત ભુગર્ભ ગટરનુ દુષિત પાણીના નિકાલ માટે પંચાયત શાસકો માટે ટંકશાળ સાબિત થઇ રહ્યુ છે.

છેલ્લા છ માસથી કુજડ, બાદનપર અને લક્ષ્મીપરા વિસ્તારની પ્રજાને જોડીયા આવવા ઉપરોકત માર્ગ બંધ હોવાથી લાંબા રૂટનો સહારો લેવો પડે છે.

એક દાયકા પુર્વ જોડીયાને વિકાસના સપના બતાવવા વાળા વિકાસ પુરૂષ કયા ગયા? એ જ વિકાસ પુરૂષ આજે સતાસ્થાને બિરાજી રહ્યા છે. જેના પાપે આજે જોડીયાની પ્રજા વિકાસને બદલે વિનાશનો અનુભવ કરી રહી છે. ઠેરઠેર અસ્વચ્છતા, અશુધ્ધ પીવાનુપાણી, સફાઇનો અભાવ જોવા મળે છે.

(1:03 pm IST)
  • રિપબ્લિક TVના ૩ કર્મચારીને પોલીસે પકડયાઃ CMના ઘરમાં ઘૂસવાની કોશિશ કરી રહ્યા હતા : રિપબ્લિક મીડિયા ગ્રુપે કહ્યું કેઃ ભારતીય લોકતંત્રના અનુચ્છેદ ૧૯(ડી) હેઠળ દરેક વ્યકિતને ભારતમાં સ્વતંત્ર રીતે પણ ફરવાનો અધિકાર છે access_time 4:14 pm IST

  • ઉધ્ધવ સે 'પંગા'? કંગના રનૈાત વિરૂધ્ધ પોલીસ ફરીયાદ :અપમાનજનક ભાષાનો ઉપયોગ કર્યો હોવાનો મૂકાયો આરોપ :બોલિવૂડ અભિનેત્રી કંગના રનૌત અને મહારાષ્ટ્રના મુખ્યમંત્રી ઉદ્ઘવ ઠાકરેની વચ્ચેનો વિવાદ વધતો જઈ રહ્યો છે. કંગના સતત ઉદ્ઘવ અને શિવસેના ઉપર હુમલો કરી રહી છે. તો બીજી તરફ મુંબઈની બાક્રોલી પોલીસ સ્ટેશનમાં કંગનાની વિરૂદ્ઘ આપત્ત્િ।જનક ટિપ્પણીને લઈને કેસ દાખલ કરવામાં આવ્યો છે. સીએમ ઉદ્ઘવ ઠાકરે ઉપર આપત્ત્િ।જનક ટિપ્પણી કરવામાં આવતા કેસ દાખલ કરવામાં આવ્યો છે access_time 3:52 pm IST

  • વડાપ્રધાન નરેન્‍દ્રભાઈ મોદીએ કહ્યુ છે કે કોરોનાને હળવાશ થી બિલકુલ લેતા નહિં, ફેઈસ માસ્‍ક પહેરી જ રાખો અને બે ગજનું સોશ્‍યલ ડિસ્‍ટન્‍સ અચૂક જાળવી રાખો access_time 5:53 pm IST