Gujarati News

Gujarati News

News of Wednesday, 16th September 2020

જૂનાગઢ જોબવર્ક આપવાની લાલચ આપીને લાખોની મશીનરી બટકાવતો શખ્સ સુરતથી પોલીસના સકંજામાં

ગલિયાવાડના પ્રવિણભાઈએ નોંધાવી હતી છેતરપીંડીની ફરિયાદ :આરોપીની સુરતથી ધરપકડ

જૂનાગઢ તાલુકાના ગલિયાવડ ગામે રહેતા ફરિયાદી પ્રવીણભાઈ ગોપાલભાઈ બુટાણીએ આરોપી રોહિતભાઈ બેચરા વિરુદ્ધ જૂનાગઢ તાલુકા પોલીસ સ્ટેશન ખાતે પોતાને આરોપીએ પેન્સિલ બનાવવાનું મશીન આપી, જોબવર્ક આપવાની લાલચ આપી, રૂપિયા એક લાખની છેતરપીંડી કર્યા અંગેની ફરિયાદ કરવામાં આવતા, જૂનાગઢ તાલુકા પોલીસ સ્ટેશન ખાતે છેતરપીંડી વિશ્વાસઘાત અંગે ગુન્હો નોંધી, તપાસ તાલુકા પીએસઆઇ એસ.એન.સગારકા, હે.કો. આર.એન.બાબરીયા સહિતની ટીમ દ્વારા હાથ ધરવામાં આવી હતી.

જુનાગઢ તાલુકા પોલીસ સ્ટેશન ખાતે પેન્સિલના મશીન આપી, જોબ વર્ક થી રૂપિયા કમાવવાની લાલચ આપી, કરવામાં આવેલ છેતરપીંડી ના ગુન્હાના આરોપીએ બીજા શહેરોમાં ગુન્હાઓ આચર્યાની શક્યતાઓ આધારે ગુન્હાની ગંભીરતા લઈ, સુરત તપાસ દરમિયાન આ બાબતે સુરત ક્રાઇમ બ્રાન્ચને જાણ કરવામાં આવતા તેમની મદદથી આ ગુન્હામાં સંડોવાયેલ આરોપી રોહિત મનસુખભાઇ બેચરા જાતે પટેલ ઉવ. ૩૭ રહે.૨૦૫, ધારા કોમ્પ્લેક્સ, કુબેર પાર્ક, વેડ રોડ, સુરતને પકડી પાડી, ધરપકડ કરવામાં આવી હતી

ઝડપાયેલ આરોપી રોહિત સઘન પૂછપરછ હાથ ધરવામાં આવતા, પોતે મૂળ જૂનાગઢ જિલ્લાના માણાવદર તાલુકાના ઇન્દ્રા ગામનો વતની હોવાનું અને પોતાને જે પેઢી મશીન સપ્લાય કરતી હતી, તે પેઢીએ તેમને ત્રણ ચાર મહિના મશીન સપ્લાય કરેલ અને જોબ વર્ક પણ આપેલ. પરંતુ, આરોપી ફરિયાદી સિવાય અન્ય લોકોને પણ પોતે પેન્સિલ મશીન સપ્લાય કર્યાની પણ કબૂલાત આરોપી દ્વારા કરવામાં આવેલ પોતાને આ ધંધામાં ખોટ જતા, પોતે હાલ જમીન મકાનની દલાલીનો ધંધો કરતો હોવાનું જણાવ્યું હતું , ઉટરાંત ભોગ બનનાર તમામ લોકો ને રૂપિયા પરત ચૂકવવા તૈયારી પણ બતાવી હતી.

પકડાયેલ આરોપી રોહિત ની વધુ પૂછપરછ હાથ ધરી, પોલીસ રીમાન્ડ મેળવવા સહિતની તજવીજ તાલુકા પોલીસ સ્ટેશનના પીએસઆઈ એસ.એન.સગારકા,તથા સ્ટાફ દ્વારા હાથ ધરવામાં આવી હતી જેમાં ત્રણ દિવસના રિમાન્ડ ની માંગણી સાથે આરોપીને કોર્ટમાં રજૂ કરતા નામદાર કોર્ટે આરોપીના રિમાન્ડ ના મંજૂર કરી જેલ હવાલે કર્યો હતો.

(9:51 pm IST)
  • દેશમાં કોરોનાનો વધતો કહેર : રાત્રે 11-45 વાગ્યા સુધીમાં નવા 91.016 પોઝીટીવ કેસ નોંધાયા :1280 લોકોના મોત : કુલ કેસની સંખ્યા 50.17.930 થઇ :9,96,079 એક્ટીવ કેસ :વધુ 82,802 દર્દીઓ સ્વસ્થ થતા કુલ 39.39,048 રિકવર થયા : વધુ 1280 લોકોના મોત સાથે મૃત્યુઆંક 82,088 થયો access_time 12:23 am IST

  • દેશમાં ૪,૯૮૨ આઈપીએસ અધિકારીઓ : ૧લી જાન્યુઆરી ૨૦૨૦ના રોજ દેશમાં આઈપીએસ (પોલીસ ઓફીસરો)ની સંખ્યા ૪,૯૮૨ હતી તેમ મોદી સરકારે સંસદમાં જણાવ્યુ access_time 11:17 am IST

  • જો સંતુલિત ટીમ ના હોય તો તમારે વધુ સક્રિય થવુ જોઈએ : આરસીબીના કેપ્ટન વિરાટ કોહલીનું માનવું છે કે આઈપીએલમાં બેંગ્લોરની ટીમ ૨૦૧૬ પછી પહેલીવાર સંતુલિત છે access_time 3:32 pm IST