Gujarati News

Gujarati News

News of Wednesday, 16th September 2020

અમરેલીમાં જિલ્લાના ૧૫ શ્રેષ્ઠ શિક્ષક ભાઇ-બહેનોને શાલ ઓઢાડી સન્માનિત કરાયા

(અરવિંદ નિર્મળ દ્વારા) અમરેલી તા.૧૬ : અમરેલી જિલ્લા કોંગ્રેસ સમિતિ અને જિલ્લા કોંગ્રેસ શિક્ષક સેલના સંયુકત ઉપક્રમે જિલ્લા કોંગ્રેસ કાર્યાલય ખાતે પ્રાથમિક માધ્યમિક અને ઉચ્ચ માધ્યમિક વિભાગના કુલ ૧૫ શિક્ષકભાઇ બહેનોનું શાલ સન્માનપત્ર દ્વારા સન્માન કરવામાં આવ્યુ હતુ.

કાર્યક્રમમાં અધ્યક્ષપદે અમરેલી જિલ્લા કો.સમિતિના પ્રમુખ પ્રો.અર્જુનભાઇ સો., ન.પ્રા.શિ.સ.ના ચેરમેન જે.પી.સોજીત્રા, માર્કેટયાર્ડના ચેરમેન મોહનભાઇ માકરાણી, તા.ખ.વે.સં.ના પ્રમુખ દલસુખભાઇ દુધાત, શહેર કોંગ્રેસ પ્રમુખ લલીતભાઇ ઠુંમર, અમરેલી તા.કોંગ્રેસ પ્રમુખ મનીષભાઇ ભંડેરી ન.પા. વિરોધપક્ષના નેતા સંદિપભાઇ ધાનાણી, કોર્પોરેટર અને મહિલા કોંગ્રેસના પ્રદેશ નેતા હંસાબેન જોશી, જિલ્લા યુવક કોંગ્રેસ પ્રમુખ પરેશભાઇ ભુવા, જિ.પં.પુર્વ ચેરમેન દિનેશભાઇ ભંડેરી, તા.કોંગ્રેસ મહામંત્રી વિપુલભાઇ પોકિયા, જિ.કો.મહામંત્રી જમાલભાઇ મોગલ તથા જનકભાઇ પંડયા, વસંતભાઇ કાબરીયા, ઓબીસી સેલના પ્રમુખ નારણભાઇ મકવાણા ન.પા. સદસ્ય ચંદુભાઇ બારૈયા વગેરે ઉપસ્થિત રહ્યા હતા.

સમાજના ઉમદા ઘડતર માટે શિક્ષકોને બિરદાવીને રાષ્ટ્રનિર્માણના ધરોહર માટે સન્માનીત કરવામાં આવ્યા હતા. કાર્યક્રમને સફળ બનાવવા માટે અમરેલી જિ.શિક્ષક સેલના પ્રમુખ પ્રિ. નરેન્દ્રસિંહ ગોહિલ અને વિક્રમભાઇ માંજરીયાએ જહેમત ઉઠાવી કાર્યક્રમનું સંચાલન જિ.શિ.સંઘના પ્રમુખ પ્રવિણભાઇ વસરાએ કર્યુ હતુ.

(11:20 am IST)
  • ચીન સામેના યુદ્ધમાં પ્રાણોની આહુતિ આપવા માટે પીછેહટ નહિ કરીએ :શિયા ધર્મગુરૂએ વડાપ્રધાનને લખ્યો પત્ર : ઇમામ-એ-જુમા અને શિયા ધર્મગુરૂ મૌલાના કલ્બે જવાદે કહ્યું કે લેહ અને લદ્દાખના શિયા મુસ્લિમ ભારતની સાથે અને ચીનની વિરુદ્ધ દરેક પગલા પર ઉભા રહેશે: ભારતના કોઇ પણ નિર્ણયની સાથે અમારી કોમ એકતાથી તમામ મુદ્દા પર સમર્થન આપશે. તેના માટે જીવ ગુમાવવાનો વારો આવે તો પણ અમે જરા પણ ખટકાટ અનુભવીશું નહીં access_time 8:58 am IST

  • " બંધ કરો મતદાન , બીક જાતે હૈ શ્રીમાન " : કોંગ્રેસ છોડી ભાજપમાં જોડાયેલા જ્યોતિરાદિત્ય સિંધિયાને માફ કરવાના મૂડમાં પ્રજા નથી : મધ્ય પ્રદેશમાં યોજાનારી 28 બેઠકોની પેટા ચૂંટણીના પ્રચારમાં નીકળેલા જ્યોતિરાદિત્ય સિંધીયાનો કાળા વાવટા દર્શાવી વિરોધ : ચીફ મિનિસ્ટર શિવરાજ સિંહ તથા ફાયર બ્રાન્ડ બીજેપી આગેવાન ઉમા ભારતી વિરુદ્ધ પણ સૂત્રોચ્ચારનો વિડિઓ વાઇરલ : સત્તા જાળવી રાખવા ભાજપ માટે 9 સીટ ઉપર વિજય મેળવવો મુશ્કેલ બની રહ્યો હોવાના એંધાણ access_time 8:56 pm IST

  • હવે રાજધાની દિલ્હીના રેલવે સ્ટેશનનું ખાનગીકરણ : 20 કંપનીઓ સ્પર્ધામાં : અદાણી પણ શામેલ : આ અગાઉ અમદાવાદ સહિતના પાંચ એરપોર્ટનું સંચાલન સંભાળી લીધા પછી હવે રેલવે સ્ટેશન પણ સંભાળી લેવાની તૈયારીમાં અદાણી ગ્રુપ access_time 8:27 pm IST