Gujarati News

Gujarati News

News of Wednesday, 16th September 2020

જુનાગઢમાં એસટી ડ્રાઇવ પર વાહન ચાલક સહિત પાંચ શખ્સોનો હુમલો

બસનું વાઇપર તોડી તેનો પણ ઘા માર્યો

(વિનુ જોશી) જુનાગઢ તા.૧૬ : જુનાગઢમાં એસટી ડ્રાઇવર પર વાહન ચાલક સહિત પાંચ શખ્સોએ હુમલો કરી બસનું વાઇપર તોડી તેનો પણ ઘા માર્યો હોવાની પોલીસ ફરિયાદ થઇ છે.

બનાવની વિગતો એવી છે કે વંથલીના લુશાળા ખાતે રહેતા એસટી ડ્રાઇવર રાજાભાઇઆણદભાઇ ડાંગર રાત્રે જુનાગઢના મજેવડી દરવાજા પાસેથી એસ.ટી. હંકારીને જતા હતા.

ત્યારે જીજે૧૧ ટીટી ૮ર૯૦ નંબરના વાહન ચાલકે બસ સાથ અકસ્માત થાય તે રીતે વાહન ચલાવીને એસટી ડ્રાઇવર રાજા ડાંગર સાથ બોલાચાલી કરી હતી.

બાદમાં વાહન ચાલક અને તેની સાથેના ચાર અજાણ્યા શખ્સોએ ઘાતક હથિયાર ધારણ કરી રાજાભાઇને ઢીકાપાટુનો માર માર્યો હતો. તેમજ બસનું વાઇપર તોડી નાંખી તેનો ઘા ઝીંકી માથાના ભાગે ઇજા પહોંચાડી ફરજમાં રૂકાવટ કરી હતી. બનાવની વિશેષ તપાસ પીએસઆઇ પી.આર. ચાવડા ચલાવી રહયા છે.

(12:53 pm IST)
  • પેટ્રોલ ડીઝલના ભાવમાં આજે પણ ધટાડો : પેટ્રોલના ભાવમાં પ્રતિ લિટરે 15 પૈસા અને ડીઝલમાં 21 પૈસાનો ઘટાડો : ભાવ ઘટાડો સવારે છ વાગ્યાથી લાગુ. access_time 11:40 pm IST

  • કાલાવાડ પંથકમાં પોલીસને સાંકળતા જુુના વિડીયો સોશ્યલ મીડીયામાં વાયરલ થતા જામનગરથી ઉચ્ચ પોલીસ અધિકારીઓ દ્વારા તપાસના આદેશો અપાયા છે. આ અંગે સતાવાર વિગતો મેળવાઇ રહી છે. access_time 3:39 pm IST

  • શું રેંટિયો કાંતવાથી અંગ્રેજો ભાગી જવાના હતાં ? : થાળી વગાડવાથી કોરોના ભાગી ન જાય તેવું કહેનારા લોકોને ભાજપ સાંસદ સુધાંશુ ત્રિવેદીનો વેધક સવાલ : જે રીતે ગાંધીજીએ આઝાદીના પ્રતીક તરીકે ચરખાને સ્થાન આપ્યું હતું તે રીતે મોદીજીએ સામાજિક ચેતના જાગૃત કરાવવા થાળી વેલણ વગાડવાનું કહ્યું હતું : પાર્લામેન્ટમાં સામસામી આક્ષેપબાજી access_time 11:10 am IST