Gujarati News

Gujarati News

News of Thursday, 17th September 2020

જસદણ પાલિકાના ચીફ ઓફિસર સહિત ૨૬ને કોરોના

(ધર્મેશ કલ્યાણી દ્વારા) જસદણ તા. ૧૭ : શહેર અને તાલુકામાં કોરોનાએ માજા મૂકી છે દિવસે દિવસે કેસ વધતા જ જાય છે. ગઈકાલે સાંજે જસદણ નગરપાલિકાના ચીફ ઓફિસર તેમજ સ્કૂલના સંચાલક સહિત ૨૬ વ્યકિતઓ કોરોના રિપોર્ટ પોઝિટિવ આવ્યો હતો. છેલ્લા એક સપ્તાહથી દરરોજ મોટી સંખ્યામાં પોઝિટિવ કેસ આવી રહ્યા છે.

ગઈકાલે ચીફ ઓફિસર પાર્થ ત્રિવેદી સહિતના લોકોને કોરોના પોઝિટિવ રિપોર્ટ આવ્યો હતો. આ ઉપરાંત જલારામ મંદિર ખાતે નિયમિત ધૂન કરતા છ જેટલા ભકતોને પણ પોઝિટિવ રિપોર્ટ આવ્યો હતો. અત્રે ઉલ્લેખનીય છે કે નગરપાલિકાના ચીફ ઓફિસર, પ્રમુખ સહિતના લોકો મંગળવારે ગાંધીનગર ખાતે નગરપાલિકાના કામ અર્થે ગયા હતા અને બુધવારે ચીફ ઓફિસરનો કોરોના રિપોર્ટ પોઝિટિવ આવ્યો હતો.

(12:01 pm IST)
  • ગુજરાત ઉપરાંત દિલ્હી ,ઉત્તરાખંડ ,તામિલનાડુ ,તથા ઉત્તર પ્રદેશમાં 21 સપ્ટેમ્બરથી સ્કૂલો નહીં ખુલે : હરિયાણામાં સ્કૂલો ખુલી જશે : છત્તીસગઢ અને બિહાર હજુ સુધી અવઢવમાં : અનલોક 4 દરમિયાન 21 સપ્ટેમ્બરથી સ્કૂલો ફરીથી ચાલુ કરી શકવાના કેન્દ્ર સરકારના સૂચન સાથે મોટા ભાગના રાજ્યો અસંમત access_time 12:11 pm IST

  • અયોધ્યામાં નિર્માણ થઇ રહેલી મસ્જિદનું નામ ' બાબરી મસ્જિદ ' નહીં હોય : મસ્જિદને કોઈ નામ હોતા નથી : લોકો તેને જામા મસ્જિદ કે બાબરી મસ્જિદ તેવા નામ આપે છે : નવી નિર્માણ પામનારી મસ્જિદમાં હોસ્પિટલ ,લાયબ્રેરી ,પ્રદર્શન ,સહીત જુદા જુદા વિભાગો પણ તૈયાર કરાશે : મસ્જિદના આર્કીટેક પ્રોફેસર ડો.સૈયદ મોહમ્મદ અખ્તર access_time 12:05 pm IST

  • બાબરી ધ્વંસના 48 આરોપીઓ પૈકી 16 ના મૃત્યુ થઇ ચુક્યા છે : બાકીના 32 માં લાલકૃષ્ણ અડવાણી ,મુરલી મનોહર જોશી ,ઉમા ભારતી ,સહિતનાઓનો સમાવેશ : 28 વર્ષ જેટલા લાંબા સમય સુધી ચાલેલી ટ્રાયલ દરમિયાન બાળાસાહેબ ઠાકરે ,અશોક સિંઘલ ,મહંત અવૈદ્યનાથ સહીત 16 આરોપીઓએ ચિર વિદાય લીધી : 30 સપ્ટેમ્બરના રોજ ચુકાદો access_time 12:28 pm IST