Gujarati News

Gujarati News

News of Thursday, 17th September 2020

જુનાગઢમાં દારૂના ગુનામાં પકડાયેલ સગીરની માતા અને બહેનોની પોલીસ ચોકીમાં ધમાલ

(વિનુ જોશી દ્વારા) જુનાગઢ, તા. ૧૭ : જુનાગઢમાં દારૂના ગુનામાં પકડાયેલ સગીરનું ઉપરાણુ લઇ તેની માતા અને બહેનોએ પોલીસ ચોકીમાં ધમાલ મચાવી સ્ટાફની ફરજમાં રૂકાવટ કરતા હલચલ મચી ગઇ હતી.

આ અંગેની વિગતો એવી છે કે જુનાગઢ માંડવી ચોક પોલીસ ચોકીના પીએસઆઇ આર.જી. મહેતાએ એક સગીર બાળકની દારૂ સાથે ધરપકડ કરી હતી.

દરમ્યાન ગઇકાલે બપોરના અરસામાં બાળકની માતા તેમજ ત્રણ બહેનો માંડવી પોલીસ ચોકી ખાતે પહોંચ્યા હતાં. આ ચારેય વ્યકિતએ કાયદાના સંઘર્ષમાં આવેલ બાળકનું ઉપરાણુ લઇ તમો પોલીસ બાળકને માર મારો છો અને ખોટા નામ બોલાવો છો તેમ કહીને પોલીસ ચોકીમાં બરાડા પાડયા હતાં.

તેમજ આ ચારેય જણાએ પીએસઆઇ શ્રી મહેતાની ફરજમાં રૂકાવટ કરી હતી.

આ અંગે એ-ડીવીઝન પોલીસે મહિલા અને તેની ત્રણ દિકરીઓ સામે ધોરણસરની કાર્યવાહી કરી હતી. વિશેષ તપાસ પીએસઆઇ વી.કે. ઉંજીયા ચલાવી રહ્યા છે.

(1:01 pm IST)
  • કાલાવાડ પંથકમાં પોલીસને સાંકળતા જુુના વિડીયો સોશ્યલ મીડીયામાં વાયરલ થતા જામનગરથી ઉચ્ચ પોલીસ અધિકારીઓ દ્વારા તપાસના આદેશો અપાયા છે. આ અંગે સતાવાર વિગતો મેળવાઇ રહી છે. access_time 3:39 pm IST

  • ધારાશાસ્ત્રીએ દસ લાખના : વળતરની માગણી કરી : મોટર એકલા ચલાવતી વેળાએ માસ્ક નહિ પહેરવા સબબ એક ધારાશાસ્ત્રીને પાંચસો રૂપિયાનો દંડ ફટકારવામાં આવતા તેમણે દિલ્હી હાઇકોર્ટમાં પડકાર ફેંકી દસ લાખ રૂપિયાના વળતરની માગણી કરી છે. access_time 7:32 pm IST

  • અયોધ્યામાં નિર્માણ થઇ રહેલી મસ્જિદનું નામ ' બાબરી મસ્જિદ ' નહીં હોય : મસ્જિદને કોઈ નામ હોતા નથી : લોકો તેને જામા મસ્જિદ કે બાબરી મસ્જિદ તેવા નામ આપે છે : નવી નિર્માણ પામનારી મસ્જિદમાં હોસ્પિટલ ,લાયબ્રેરી ,પ્રદર્શન ,સહીત જુદા જુદા વિભાગો પણ તૈયાર કરાશે : મસ્જિદના આર્કીટેક પ્રોફેસર ડો.સૈયદ મોહમ્મદ અખ્તર access_time 12:05 pm IST