Gujarati News

Gujarati News

News of Thursday, 17th September 2020

જુનાગઢમાં જુગાર રમતા દંપતી, ૪ મહિલા સહીત ૯ શખ્સો ઝબ્બે

જુનાગઢ, તા., ૧૭: જુનાગઢમાં જુગાર રમતા દંપતી તથા ૪ મહિલા સહીત ૯ શખ્સોને પોલીસે રૂ.૬૧ હજારના મુદામાલ સાથે ઝડપી લઇ ધોરણસરની કાર્યવાહી કરી હતી. જુનાગઢમાં ઝાંઝરડા રોડ પર આવેલ વૈભવ પાર્ક બ્લોક નં. ૪માં રહેતા પુષ્પાબેન વજુભાઇ આટોદરીયા (ઉ.વ.પ૩) તેના રહેણાંક મકાને જુગાર રમાડતા હોવાની બાતમી મળતા બી ડીવીઝનના જમાદાર પટેલભાઇ બાવનજીભાઇ વગેરેએ ગઇ સાંજે  દરોડો પાડયો હતો.

જેમાં પોલીસે પુષ્પાબેન તથા તેમના પતિ વજુભાઇ છગનભાઇ આટોદરીયા ઉપરાંત કેશોદના જેશા કારાભાઇ કોડીયાતર, પાડોદર ગામનો કમલેશ ભીખાભાઇ મિયાત્રા, કેશોદનાં રાણીબેન કરશન ભારાઇ, જુનાગઢ દિપાંંજલીબેના લીલાબેન પાલાભાઇ કરમુર, જુનાગઢ હર્ષદનગરના ઇમરાનાબેન રફીક પઠાણ અને ભેસાણનાં રમળીયા ગામનો રવજી ખીમજીભાઇ ખુમાણ સહીત ૯ જણાને રૂ. રપ૧૪૦ની રોકડ સાથે જુગાર રમતા પકડી પાડયા હતા.

પોલીસે જુગારીઓ પાસેથી રોકડ તેમજ મોબાઇલ અને મોટર સાયકલ સહીત કુલ રૂ. ૬૧,૧૪૦નો મુદામાલ કબ્જે કર્યો હતો.

(1:17 pm IST)
  • નેપાળના પ્રાઈમ મિનિસ્ટર કે.પી.શર્મા ઓલીએ શ્રી નરેન્દ્ર મોદીને જન્મદિવસની શુભેચ્છા પાઠવી : બંને દેશ સાથે મળીને કામ કરશું તથા સબંધો વધુ મજબૂત કરીશું તેવી ભાવના વ્યક્ત કરી access_time 1:11 pm IST

  • ઉત્તર પ્રદેશના પ્રયાગરાજમાં એકબાજુ વડાપ્રધાન શ્રી નરેન્દ્ર મોદીના જન્મદિવસની ઉજવણી અને બીજીબાજુ પથ્થરમારો : સરકારી નોકરીમાં 5 વર્ષ માટે કોન્ટ્રાકટ ઉપર ભરતી કરવાના નિર્ણય સામે વિરોધીઓતોફાને ચડ્યા : પોલીસ ઉપર પથ્થરમારો કરતા વળતા જવાબમાં પોલીસનો લાઠીચાર્જ access_time 6:35 pm IST

  • ઉમરપાડામાં ખતરનાક વરસાદ : બે કલાકમાં અનરાધાર ૧૧ ઇંચ : વલસાડ: ઉમરપાડામાં બે કલાકમાં ૧૧ ઈંચ વરસાદ ખાબક્યો access_time 7:29 pm IST