Gujarati News

Gujarati News

News of Sunday, 20th September 2020

કચ્છમાં SOGએ માછીમાર સહીત ૭.૫૦ લાખના ચરસનાં જથ્થા સાથે ત્રણ શખ્શોને ઝડપી લીધા

ઘરે લીમડાના ઝાડ નીચે અને એક કિલો ઘરની અભેરાઈ પર રાખ્યો હતો

કચ્છમાંથી અવારનવાર ડ્રગ્સ મળી આવવાની ઘટનાઓ સામે આવતી રહે છે. ત્યારે કચ્છ પોલીસે એક માછીમાર શખ્સ સહિત ત્રણ શખ્સોને સાડા ૭ લાખની કિંમતના ચરસના જથ્થા સાથે ઝડપી પાડ્યાં છે. આરોપી અબડાસાના રાપર ગઢવારીનો રામજી કોલી માછીમાર છે. બે-અઢી માસ અગાઉ તેને દરિયાકાંઠેથી બીનવારસી ચરસના ૫ પેકેટ મળ્યાં હતા. આ પેકેટ પોલીસને આપવાના બદલે તેણે રોકડી કરવાના હેતુથી પોતાની પાસે રાખ્યાં હતા.રામજીએ પોતાના પરિચયમાં રહેલાં ગાંધીધામના નરેશ સોમાલાલ શાહને ગ્રાહક શોધી ચરસનું વેચાણ કરી આપવા જણાવ્યું હતું

 . નરેશે બે-ચાર લોકોને આ અંગે વાત કરી હતી..જે અંગે એસઓજીને બાતમી મળી હતી કે ચરસનો મોટો સોદો મુદ્રામાં ફાઈનલ થયો છે જેના આધારે રેડ પાડતા ત્રણેયને ૩ કિલો ચરસ સાથે ઝડપી પાડ્યાં હતા. અને આરોપી રામજી કોલીની પૂછપરછ હાથ ધરતા એક પેકેટ પોતાના ઘરે લીમડાના ઝાડ નીચે દાટી રાખ્યું હોવાનું અને એક કિલો માલ ઘરની અભેરાઈ પર રાખ્યો હોવાનું જણાવતાં તેના ઘરે જડતી કરી બાકીનો માલ કબ્જે કરાયો હતો.આરોપીઓ પાસેથી કુલ ૭ લાખ ૬૯ હજાર ૫૨૦ રૂપિયાનો મુદ્દામાલ કબ્જે કરી પોલીસે વધુ તપાસ હાથ ધરી છે.

(10:50 am IST)
  • ગોંડલમાં છ વાગ્યાથી સાંજના 8 સુધી 70મીમી વરસાદ પડ્યો access_time 9:37 pm IST

  • મુંબઈમાં મોડી સાંજથી દે-ધનાધન વરસાદ પડે તેવી સંભાવના : મુંબઈ આજે સાંજે ૭ થી ૧૨ વચ્ચે બે ઇંચ જેવો ગાજવીજ સાથે ભારે વરસાદ પડવાની પૂરી સંભાવના હોવાનું જાણીતા વેધર વોચર કેન્ની તેમના ટ્વિટર હેન્ડલ પર જણાવે છે ખાસ કરીને દ. મુંબઈમાં વરસાદની અસર વધુ જોવા મળશે. access_time 2:38 pm IST

  • રાજ્ય સભામાં શરમ જનક દ્રશ્યો સર્જાયા વિપક્ષી સભ્યો ગૃહમાં વેલ સુધી ધસી ગયા માઇક ખેંચી લેવાના પ્રયાસ, સાંસદ ડેરેક ચેરમેનની ખુરશી સુધી પહોંચી ગયા અને કાગળો ફાડ્યા, સાંસદોએ અધ્યક્ષના ટેબલ ઉપરના માઈક ખેંચી કાઢવા પ્રયાસ કર્યા, ગ્રુહને મુલતવી રાખવામાં આવેલ છે. access_time 2:39 pm IST