Gujarati News

ગોંડલ ગુંદાળા ચોકડીથી ગુંદાળા ગામ તરફ હતાં મારૂતિ ફ્રન્ટી અકસ્માતમાં બેના મોત થતાં અરેરાટી વ્યાપી ગઇ છે. (તસ્વીરઃ ભાવેશ ભોજાણી-ગોંડલ)

ગોંડલ, તા. ૧૭ : ગોંડલના ગુંદાળા ગામ પાસે આજે સવારે અકસ્માત સર્જાતા બે વ્યકિતના મોત નિપજતા અરેરાટી વ્યાપી ગઇ છે.

આ અકસ્માતમાં ગોંડલના કપુરીયાપરા-૪ સ્ટેશન પ્લોટમાં રહેતા ઠાકર કશ્યપભાઇ અશોકભાઇ સહિત ર વ્યકિતના મોત નિપજયા હતા.

પ્રાપ્ત માહિતી મુજબ રાજકોટ જુનાગઢ હાઇવે ઉપર અત્યારે વહેલી સવારે ૬-૩૦ આસપાસ ગોંડલ શહેરની બહાર ગુંદાળા ચોકડીથી ગુંદાળા ગામ તરફના રસ્તે મારૂતી ફ્રન્ટી જીજે-૩-એબી પ૪૬૧ને ભયંકર અકસ્માત નડયો છે.

તેમાં બેઠેલા ૪૦ અને ધોતિયું પહેરેલ ૬૦ વર્ષ આસપાસના બંને વ્યકિત સ્થળ પર જ કરૂણ મૃત્યુ નિપજેલ છે. નવરાત્રીના આજે પ્રથમ નોરતે જ ભયાનક અકસ્માત થતાં હાહાકાર મચી ગયો છે. પાછળની સીટ ઉપર પૂજાપો જોવા મળે છે એમ્બ્યુલન્સ સ્થળ પર પહોંચી છે.