Gujarati News

Gujarati News

News of Saturday, 21st November 2020

જૈનાચાર્ય કલાપ્રભસૂરીશ્વરજી ગાંધીધામમાં કાળધર્મ પામ્યા

શ્વેતાંબર જૈન સમાજના ભારતના સૌથી મોટા આચાર્યના મહાપ્રયાણથી સમાજને મોટી ખોટ : ૧૬ આચાર્ય, ૮૦૦થી વધુ સાધુ સાધ્વી ભગવંતોના મહાનાયક

(વિનોદ ગાલા) ભુજ તા. ૨૧ : જૈનાચાર્ય ગચ્છાધિપતિ પ.પૂ. વિજય કલાપૂર્ણસુરીશ્વરજી મહારાજ ગાંધીધામ મધ્યે સમાધિપુર્વક કાળધર્મ પામ્યા છે.

ભારતભરના ત્રીજા નંબરના સૌથી મોટા એવા વાગડ સમુદાયના ગચ્છાધિપતિ અને ૧૬ આચાર્ય તેમ જ ૮૦૦થી વધુ સાધુ સાધ્વી ભગવંતોના મહાનાયક એવા આચાર્યશ્રી પ.પૂ. કલાપ્રભસુરીશ્વરજીના મહાપ્રયાણથી સમસ્ત જૈન સમાજને મોટી ખોટ પડી છે. તેમણે માત્ર ૧૧ વર્ષની વયે દિક્ષા ગ્રહણ કરી હતી. પૂજયશ્રી ૬૦થી વધુ વર્ષનો દિક્ષા પર્યાય પાળીને અંદજિત ૭૧ વર્ષની વયે કાળધર્મ પામ્યા છે.

ભુકંપ બાદ તહસનહસ થયેલા કચ્છના વાગડ પંથકમાં ગામડે ગામડે ફરીને અનેક જિનાલયો તેમ જ ઉપાશ્રયો સહીત સામાજિક પ્રતિષ્ઠાનોને પુનઃ ઉભા કરવમાં પૂજયશ્રીનું મહત્વનું યોગદાન હતું.

(11:52 am IST)
  • પેટ્રોલમાં ૧૫ પૈસા અને ડિઝલના ભાવમાં ૨૨ પૈસાનો વધારોઃ પેટ્રોલ ડીઝલના ભાવમાં આજે બીજા દિવસે પણ વધારો થયો છે. પેટ્રોલમાં ૧૫ પૈસા અને ડીઝલનાં ભાવમાં પ્રતિ લિટરે ૨૨ પૈસાનો વધારો થયો છે. ભાવ વધારો આજે સવારે ૬ વાગ્યાથી લાગુ થયો છે. access_time 11:38 am IST

  • રાજસ્થાનમાં કોરોનાએ કાળોકેર વર્તાવ્યો : છેલ્લા 24 કલાકમાં 3007 નવા કેસ નોંધાયા : જયપુર,જોધપુર, ઉદયપુર,બિકાનેર , અલ્વર ,કોટા , અજમેર અને ભીલવાડામાં રાત્રી કર્ફ્યુ લગાડયો access_time 12:33 am IST

  • એક લેબ્રાડોર ડોગ, અને બે માલીક, હવે પોલીસ કરાવશે શ્વાનનો DNA ટેસ્ટ : હોશંગાબાદમાં એક લેબ્રા ડોગ પર બે લોકોએ માલિકી હક્ક બતાવ્યો :મામલો વધુ બિચકાતા પોલીસ મથકે પહોંચ્યો : બંને પક્ષોએ પોતાની તરફેણમાં કેટલાક દસ્તાવેજો પણ રજૂ કરતા પોલીસ પણ ચકરાવે ચડી : હવે પોલીસ કરાવશે શ્વાનનો DNA ટેસ્ટ access_time 12:52 am IST