Gujarati News

Gujarati News

News of Monday, 21st September 2020

મોરબીના બીલીયા - મોડપરનો પુલ જર્જરિત ૩૧ ડિસેમ્બર સુધી બંધ

મોરબી તા. ૨૧ : તાલુકાના બીલીયાથી મોડપર ગામને જોડતો ૪/૦ કિ.મી.અન્ય જિલ્લા માર્ગ છે. સદર રસ્તા પર બગથળાથી ૨/૦ કિ.મી.ના અંતરે ઉપરવાસમાં સિંચાઈ વિભાગના ચેક ડેમ પાસે ૩ ગાળાનું સ્લેબ ડ્રેઈન હાલ જર્જરીત હાલતમાં છે. સદર કામની મંજુરી મળેલ હોય આ કામ ચોમાસા બાદ શરૂ થનાર છે. હાલ સદર સ્લેબ ડ્રેઈન જર્જરીત હોય રસ્તો ફરજીયાત રીતે બંધ કરવો જરૂરી હોય આ રસ્તાના ઉપયોગ ઉપર પ્રતિબંધ મુકતુ જાહેરનામું જિલ્લા કલેકટર જે.બી.પટેલ દ્વારા બહાર પાડવામાં આવ્યું છે.

આ જાહેરનામા અનુસાર તા.૩૧/૧૨/૨૦૨૦ સુધી આ રસ્તાનો ઉપયોગ કરવા ઉપર પ્રતિબંધ ફરમાવવામાં આવેલ છે. આ રસ્તાના વિકલ્પે બીલીયા ગામે જવા માટે બીલીયા-બગથળા રોડનો તેમજ મોડપર ગામે જવા માટે કોસ્ટલ હાઈવે થી મોડપર રસ્તાનો ઉપયોગ કરવાનો રહેશે. આ હુકમનો ભંગ કરનારને પોલીસ અધિનિયમ-૧૯૫૧ કલમ-૧૩૧ હેઠળ સજાને પાત્ર બનશે.(૨૧.૧૭)

(1:25 pm IST)