Gujarati News

Gujarati News

News of Friday, 22nd January 2021

મોરબી : કારખાનામાં બેલ્ટમાં આવી જતા બાળકનું મોત

 મોરબી,તા.૨૨ :  તાલકાના રંગપર ગામની સીમમાં સમ્રાટ કારખાનામાં મશીનને બેલ્ટમાં આવી જતા પાંચ વર્ષના બાળકનું મૃત્યુ નીપજ્યું હતું.

માહિતી મુજબ  રંગપર ગામની સીમમાં આવેલ સમ્રાટ કારખાનામાં અર્જુન સંજયભાઈ દાયમા (ઉ.૫) મશીનના બેલ્ટમાં આવી જતા તેનું મૃત્યુ નીપજ્યું હતું.બનાવ અંગે મોરબી તાલુકા પોલીસે નોંધ કરી વધુ તપાસ હાથ ધરી છે

ટીંબડીના પાટિયા પાસે હીટ એન્ડ રનની ઘટનામાં વૃધ્ધનું મોત 

હળવદના રણછોડગઢમાં રેહતા સવસીભાઈ રાયસીગભાઈ સારલા ઉ.વ.૬૦ વાળે મોરબી તાલુકા પોલીસ મથકમાં ફરિયાદ નોધાવી હતી કે તેનો મામાનો દીકરો ગંગારામભાઈ વિરજીભાઈ આકરીયા ઉ.વ.૫૨ વાળા પોતાનું બાઈક જી.જે.૧૩ એન. ૮૫૨૭ નબરનું લઈને ટીબડી પાટીયા પાસેથી પસાર થતા હોય ત્યારે અજણ્યા ટ્રક ચાલકે તેમને હડફેટે લેતા તેને ગંભીર ઈજા થતા તનું ઘટનાસ્થળે મોત નીપજ્યું હતું અકસ્માત બાદ ટ્રક ચાલક ટ્રક લઈને નાસી ગયો હતો તાલુકા પોલીસે ગુનો નોધી આરોપીને ઝડપવા માટે કાર્યવાહી હાથ ધરી છે

ટંકારાના ખીજડીયા ગામે કુવામાં પડી જતા તરૂણીનું મોત

ટંકારા તાલુકાના મોટા ખીજડીયા ગામે રહેતા છગનભાઈ ઉર્ફે સાગાભાઈ ભુરીયાની ૧૧ વર્ષની દીકરી શરલાબેન કોઈ અમ્ગ્ય કારણોસર વાડીના કુવામાં પડી જતા તેનું મૃત્યુ નીપજ્યું હતું.બનાવ અંગે ટંકારા પોલીસે નોંધ કરી વધુ તપાસ હાથ ધરી છે

ટંકારાના જોધપર ઝાલા ગામે મહિલાનો આપધાત

   ટંકારા તાલુકાના જોધપર ઝાલા ગામે રહેતા રંજનબેન મોહનભાઈ પારધી માનસિક બીમારીના કારણે પોતાના ઘરે ગળેફાંસો ખાઈ જતા ચકચાર મચી જવા પામી હતી.તો મરણજનાર રંજનબેનના લગ્નને ૧૪ વર્ષનો સમય થયો હોવાની માહિતી પોલીસમાંથી મળી છે.બનાવ અંગે ટંકારા પોલીસે નોંધ કરી વધુ તપાસ હાથ ધરી છે

(11:55 am IST)