Gujarati News

Gujarati News

News of Sunday, 22nd November 2020

કચ્છમાં કોરોનાનો કહેર : વધુ 31 કેસ નોંધાયા: કુલ કેસનો આંકડો 3112 થયો

ભુજ-ગાંધીધામમાં જ 11-11 કેસ મળી કુલ 22 કેસ નોંધાયાં: નખત્રાણા તાલુકામાં 4 કેસ

ભુજઃ કચ્છમાં કોરોનાના આજે વધુ 31 કેસ પોઝીટીવ કેસ નોંધાયાં છે. જેમાંથી ભુજ-ગાંધીધામમાં જ 11-11 કેસ મળી કુલ 22 કેસ નોંધાયાં છે. તંત્રએ જારી કરેલી પ્રેસનોટમાં જણાવ્યા મુજબ આજે નોંધાયેલાં 31 કેસ પૈકી ભુજ શહેરમાં 8 અને તાલુકામાં 3 મળી 11 કેસ નોંધાયાં છે. ગાંધીધામ શહેરમાં 10 અને તાલુકામાં 1 મળી 11 કેસ નોંધાયાં છે. નખત્રાણા તાલુકામાં 4 કેસ નોંધાયાં છે. અંજાર અને ભચાઉ શહેર તેમજ માંડવી, મુંદરા અને રાપર તાલુકામાં એક-એક કેસ નોંધાયાં છે.

અત્રે ઉલ્લેખનીય છે કે છેલ્લે બરાબર 37 દિવસ અગાઉ 15 ઓક્ટોબરે 31 પોઝીટીવ કેસ નોંધાયાં હતા. તેના સવા મહિના બાદ છેલ્લાં બે દિવસથી તેટલી સંખ્યામાં કેસ નોંધાઈ રહ્યાં છે. નવા 31 કેસ સાથે કચ્છમાં કોરોનાના કુલ કેસનો આંકડો 3100ને પાર કરી 3112 પર પહોંચી ગયો છે. જેમાંથી હાલ 222 એક્ટિવ પોઝીટીવ કેસ છે. 2773 સાજા થઈ ચૂક્યાં છે

(10:04 pm IST)
  • ગોંડલથી જેતપુર જતા રસ્તા ઉપર સાંઢિયા પુલ પાસે સાઇડમાંથી વાહનો જાય છે ત્યાં ફાટક ઉપર ટ્રેન સાથે મોટર અથડાતા એક મૃત્યુ પામ્યાનું જાણવા મળે છે. વિગતો મેળવાઈ રહ્યાનું ગોંડલથી ભાવેશ ભોજાણી જણાવે છે access_time 12:50 pm IST

  • મદ્રેસામાંથી ઝડપાયો આતંકવાદી : ઘેરાબંધી કરીને સેનાના જવાનોએ દબોચી લીધો : કેટલીય ગતિવિધિઓમાં સામેલ હોવાનો ખુલાસો :જમ્મુ કશ્મીરના પુલવામાં જિલ્લાના એક મદ્રેસામાંથી આતંકીની ધરપકડ : આતંકીઓ છુપાયો હોવાની બાતમીના આધારે પોલીસે તલાસી અભિયાન ચલાવી ઝડપી લીધો access_time 11:44 pm IST

  • પેટ્રોલમાં ૮ પૈસા અને ડીઝલનાં ભાવમાં પ્રતિ લિટરે ૨૧ પૈસાનો વઘારો : પેટ્રોલિયમ પેદાશોના ભાવમાં ત્રીજા દિવસે પણ વધારો : પેટ્રોલ- ડીઝલના ભાવમાં આજે ત્રીજા દિવસે પણ વધારો થયો છે. : પેટ્રોલમાં ૮ પૈસા અને ડીઝલનાં ભાવમાં પ્રતિ લિટરે ૨૧ પૈસાનો વઘારો થયો છે. : આ ભાવ વધારો આજે સવારે છ વાગ્યા થી લાગુ થયો છે. access_time 10:35 am IST