Gujarati News

રાજકોટ, તા., ૨૩: જીલ્લાના ગોંડલ, જેતપુર તથા ઉપલેટામાં વરલીના આંકડા લેતા ચાર શખ્સોને પોલીસે ઝડપી લીધા હતા જયારે એક શખ્સની શોધખોળ હાથ ધરાઇ છે.

ગોંડલમાં ફુલવાડી કોમ્પલેક્ષની પાછળ ખુલ્લી જગ્યામાં વરલીનો જુગાર રમાતો હોવાની બાતમી મળતા ગોંડલના સીટી પીઆઇ એસ.એમ.જાડેજાના માર્ગદર્શન હેઠળ હેડ કો. જયદીપસિંહ ચૌહાણ સહીતના સ્ટાફે રેઇડ કરી વરલીના આંકડા લેતા રવજી બચુભાઇ ખોચરા રે. માંડણકુંડલા તા. ગોંડલ તથા દશરથ દેવરાજભાઇ મેવાસીયા રે. ભાડુઇ ગામ તા. કોટડાસાંગાણીને રોકડ રૂ. ૧૦૭૧૦, બે મોબાઇલ તથા વરલીના સાહીત્ય મળી કુલ ર૦૭૧૦ના મુદામાલ સાથે ઝડપી લીધા હતા.

બીજા દરોડામાં જેતપુર પોલીસના પો.કો.ધનરાજસિંહ જાડેજા સહીતના સ્ટાફે જેતપુર બળદેવધાર કેનાલ પાસે રેઇડ કરી વરલીનો જુગાર રમાડતા હરજુગ ઉર્ફે અજય પરબતભાઇ વીરપરીયા રે.બળદેવધાર સરકારી સ્કુલની પાછળ જેતપુરને રોકડા રૂ. ૬પ૦ તથા વરલીના સાહિત્ય સાથે ઝડપી લીધો હતો. પકડાયેલ હરજુગ ઉર્ફે અજય ફિરોઝ ખેતીર રે. જેતપુર પાસે કપાત કરાવતો હોવાનું ખુલતા બંન્ને સામે જેતપુર પોલીસે ગુન્હો દાખલ કરી ફિરોજની શોધખોળ હાથ ધરી છે.

ત્રીજા દરોડામાં ઉપલેટા પોલીસ મથકના પો.કો. દિનેશભાઇ ગોંડલીયા સહીતના સ્ટાફે ઉપલેટામાં ધોરાજી દરવાના ગેઇટ પાસે રેઇડ કરી જાહેરમાં વરલીના આંુકડા લેતા ઇદરીશ ફેઝુલભાઇ વાલેરા રે. કોળીવાડા સોલંકી શેરી ઉપલેટાને રોકડા રૂ. ૭૦૦ તથા વરલીમાં સાહિત્ય સાથે પકડી પાડી ધોરણસરની કાર્યવાહી કરી હતી.