Gujarati News

Gujarati News

News of Saturday, 23rd January 2021

માળિયા ગેરકાયદેસર કોલ સેન્ટરની તપાસ એલસીબી ટીમને સોપાઇ

આરોપીના કોવીડ ટેસ્ટ રીપોર્ટ આવ્યા બાદ રિમાન્ડ માટે રજુ કરાશે

 (પ્રવિણ વ્યાસ દ્વારા) મોરબી,તા.૨૩ :  માળીયાના મોટી બરાર નજીક ગેરકાયદેસર ધમધમતા કોલ સેન્ટર પર દરોડો કરીને પોલીસે નવ ઇસમોને દબોચી લીધા હતા અને લેપટોપ સહિતનો મુદામાલ જપ્ત કરાયો હોય ત્યારે બનાવની વધુ તપાસ એલસીબી ટીમને સોપવામાં આવી છે તો આરોપીના કોવીડ રીપોર્ટ આવ્યા બાદ કોર્ટમાં રિમાન્ડની માંગણી સાથે રજુ કરાશે 

માળિયાના મોટી બરાર ગામ પાસે એકલિંગ પેટ્રોલપંપ નજીક આવેલ બે માળના મકાનમાં કોલ સેન્ટર ચાલતું હોય જ્યાંથી યુકેના નાગરિકોને કોલ કરીને નાણા ખંખેરતા હોવાની બાતમી મળતા માળિયા પીએસઆઈ એન એચ ચુડાસમાની ટીમે દરોડો કર્યો હતો જેમાં સ્થળ પરથી આરોપી વિકાસ સુરેન્દ્ર ત્યાગી, મીરેશ જયેશ શાહ, જીતું સબાસ્ટીન જ્યોર્જ, નરેન્દ્રસિંગ રાઠોડ, ઉમેશ હરેશકુમાર હીરાનંદાની, રાજેશ રૂબન ટોપનો, આકાશ યશવંતકુમાર રાવલ, કૌશલ કિરીટભાઈ પટેલ અને રીમાબેન દિનેશકુમાર સોલંકી એમ નવ ઇસમોને ઝડપી લીધા હતા તેમજ સ્થળ પરથી મોબાઈલ, લેપટોપ સહિતનો મુદામાલ મળી આવ્યો હતો માળિયા પોલીસ ટીમે આરોપીને દબોચી લઈને મોબાઈલ, લેપટોપ, સહીત ૧.૭૬ લાખનો મુદામાલ જપ્ત કર્યો હતો જે ગેરકાયદેસર કોલ સેન્ટર મામલે વધુ તપાસ મોરબી એલસીબી ટીમને સોપવામાં આવી છે તો તમામ આરોપીના કોવીડ ટેસ્ટ કરી રીપોર્ટ આવ્યા બાદ કોર્ટમાં રીમાન્ડની માંગણી સાથે રજુ કરાશે.

(11:44 am IST)
  • અમેરિકન બ્રોડકાસ્ટિંગ લિજેન્ડ લેરી કિંગનું લોસ એન્જલસમાં સીડર-સિનાઈ મેડિકલ સેન્ટરમાં નિધન થયું છે. અહેવાલ મુજબ તેઓને COVID19 પોઝિટિવ આવતા હોસ્પિટલમાં દાખલ કરાયા હતા. તેઓ 87 વર્ષના હતા. access_time 7:03 pm IST

  • દેશમાં કોરોના થાક્યો:નવા કેસ કરતા સ્વસ્થ થનારની સંખ્યામાં વધારો:એક્ટિવ કેસના આંકમાં સતત ઘટાડો : રાત્રે 11 વાગ્યા સુધીમાં કોરોનાના નવા 14,198 કેસ નોંધાયા :કુલ કેસની સંખ્યા 1,06,54,744 થઇ :એક્ટિવ કેસ 1,82,205 થયા: વધુ 14,675 દર્દીઓ સ્વસ્થ થતા કુલ 1,03,14 ,738 થયા :વધુ 144 લોકોના મોત સાથે કુલ મૃત્યુઆંક 1,53,365 થયા access_time 12:51 am IST

  • યુવાઓને વધુને વધુ ટિકીટ આપવામાં આવશે : સી.આર. પાટીલ : ભાજપમાં યુવાઓને વધુ ટીકીટ અપાશે તેવા સંકેત પ્રદેશ પ્રમુખ સી.આર.પાટીલે આપ્યો છે : ૫૫થી વધુ ઉંમરના લોકો ટીકીટ ન માંગે તેમ જણાવી ટીકીટ માટે તૈયારીઓ કરી રહેલા સીનીયર કાર્યકર્તાઓને સંકેત આપ્યો હતો access_time 12:52 pm IST