Gujarati News

રાજકોટ ડિસ્ટ્રિકટ કો.ઓપરેટિવ બેન્કની સામાન્ય સભા મોરબી સહિત અન્ય ૮ સેન્ટરમાં ઓનલાઇન મળી હતી. આ બેઠકમાં અલગ અલગ સ્થળેથી બેંકના હોદ્દેદારો,બેન્કના અધિકારીઓ તેમજ ખેડૂત સભાસદો જોડાયા હતા. સભામાં મોરબીથી સાંસદ મોહનભાઇ કુંડારીયા, ધારાસભ્ય બ્રિજેશ મેરજા, મોરબી માર્કેટિંગ યાર્ડના ચેરમેન, રાજકોટ ડિસ્ટ્રિકટ કો.ઓપરેરેટિવ બેન્કના વાઈસ ચેરમેન અને રાજકોટ ડિસ્ટ્રિકટ કો.ઓપરેરેટિવ કોટન માર્કેટિંગ યુનિયનના ડિરેકટર મગન વડાવીયા સહિતના અનેક આગેવાનો અને બેંકના સભાસદો હાજર રહ્યા હતા. મોરબી જિલ્લામાં ૮ જેટલા ખેડૂત સભાસદના વારસદારને અકસ્માત વીમા અંગેના રૂ.૧૦ લાખની રકમના ચેક વિતરણ કરવામાં આવ્યા હતા. કાર્યક્રમ દરમીયાન સાંસદ મોહન કુંડારીયા દ્વારા પ્રસંગને અનુરૂપ વકતવ્ય આપ્યું હતું.જયારે મગનભાઈ વડાવીયા દ્વારા સભાની કાર્યવાહીને લગતી માહિતી આપી હતી. તી રાજકોટ ડીસ્ટ્રીકટ બેંકનો ચોખ્ખો નફો ૪૫.૫૧ કરોડ રૂપિયા થયો હતો.અને ખેડૂતોના હિતમાં અનેક નવી યોજનાઓ બેંક તરફથી અમલમાં મુકાવમાં આવી હતી તો જૂની યોજનામાં પણ સુધારા કરવામાં આવ્યા હતા.