Gujarati News

Gujarati News

News of Tuesday, 24th November 2020

વરવાળા નજીક ટ્રક-કારે ત્રણ વ્યકિતને ઠોકરે લીધા : એકનું મોત

નાશી જનાર ટ્રક ચાલક અને અર્ટીકા કાર ચાલકની શોધખોળ

ખંભાળીયા, તા. ર૪ : દ્વારકાના વરવાળા નજીક હાઇવે પર પગપાળા જઇ રહેલા ત્રણ રાહદારીઓને ટ્રક અને અર્ટીકા કારે ઠોકરે લેતા એકનું મોત નિપજયું હતું. જયારે અન્ય બેને ઇજા થતાં સારવાર માટે ખસેડવામાં આવ્યા હતાં. બનાવના પગલે દ્વારકા પોલીસ હોસ્પિટલ તેમજ ઘટના સ્થળે દોડી જઇ જરૂરી કાર્યવાહી કરી નાસી જનાર ટ્રક ચાલક અને અર્ટીકા કાર ચાલક વિરૂદ્ધ ગુનો નોંધી શોધખોળ હાથ ધરી છે.

વિગત મુજબ દ્વારકાના વરવાળા ગામે ખારવા પાડામાં રહેતા જયેશભાઇ ગોવિંદભાઇ રૂપડીયા (ઉ.વ.ર૩) તથા તેમનો ભાઇ નિખીલ ગોવિંદભાઇ રૂપડીયા (ઉ.વ.રર) તેમજ સુરેશ રામજીભાઇ ત્રણેય પગપાળા ચાલીને વરવાળા ગામ તરફ ધાંધાભાની ગોલાઇ પાસેથી જતા હતાં ત્યારે ઓખા તરફથી પુરપાટ ઝડપે આવતા ડમ્મપર ચાલકે જયેશભાઇને ઠોકરે લેતા તેને માથાના ભાગે ગંભીર ઇજા થતા ઘટના સ્થળે જ કમકમાટીભર્યું મોત નિપજયું હતું. જયારે પાછળથી આવતી જી.જે.૩-જેસી-રર૦૪ નંબરની અર્ટીકા કારના ચાલકે સાથે રહેલા નિખિલ તથા સુરેશભાઇને અડફેટે લેતા તેમને ગંભીર ઇજા થતાં સારવાર માટે ખસેડવામાં આવ્યા હતાં.

બનાવ અંગે દ્વારકા પોલીસને જાણ કરવામાં આવતા પોલીસે ઘટના સ્થળે તથા હોસ્પિટલે પહોંચી નિખીલ ગોવિંદભાઇ રૂપડીયાની ફરીયાદ પરથી નાશી છુટેલા અજાણ્યા ડમ્પર ચાલક અને અર્ટીકા ચાલક વિરૂદ્ધ ગુનો નોંધી શોધખોળ હાથ ધરી છે.

(11:52 am IST)
  • નામ છુપાવીને લગ્ન કરનારને 10 વર્ષની જેલસજા થશે :' લવ જેહાદ ' મામલે ઉત્તર પ્રદેશ કેબિનેટમાં કડક કાયદો પસાર : વિધર્મી સાથે લગ્ન કરતા પહેલા ડીસ્ટ્રીકટ મેજિસ્ટ્રેટની મંજૂરી લેવી પડશે : બે મહિના પહેલા નોટિસ આપવી ફરજીયાત : મંજૂરી વિના ધર્મ પરિવર્તન કરી લગ્ન કરવા બદલ 6 માસથી 3 વર્ષ સુધીની જેલસજા થઇ શકશે : ઉપરાંત 10 હજાર રૂપિયાનો દંડ થશે : છેલ્લા થોડા દિવસોમાં ફરજીયાત ધર્માન્તર ,લવ જેહાદ ,સહિતના 100 જેટલા કિસ્સા બનતા યોગી સરકાર આકરા પાણીએ access_time 7:59 pm IST

  • ચંદ્રની ભૂમિ ઉપરથી પથ્થરો લાવવાનું ચીનનું અભિયાન શરૂ : ચીને ચંદ્ર ઉપરથી પથ્થરો પૃથ્વી ઉપર પરત લાવવા માટેનું પોતાનું પહેલું મિશન સફળતાપૂર્વક શરૂ કર્યું છે. access_time 9:53 pm IST

  • દેશમાં કોરોનાના કેસનો આંકડો 92 લાખને પાર પહોંચ્યો : રાત્રે 11 વાગ્યા સુધીમાં કોરોનાના નવા 38,296 કેસ નોંધાયા:કુલ કેસનો આંકડો 92,16,049 થયો : એક્ટીવ કેસ 4,42,176 થયા: વધુ 33,487 દર્દીઓ સ્વસ્થ થતા કુલ 86,37,126 રિકવર થયા : વધુ 407 લોકોના મોત સાથે કુલ મૃત્યુઆંક 1,34,661 થયો access_time 12:00 am IST