Gujarati News

રાજકોટ તા. રપ :.. ગોંડલના સુલતાનપુર ગામે ભાયુભાગની જમીન અને મકાનમાં ભાગ આપવાની ના પાડી પટેલ યુવાન ઉપર ભાઇ અને ભત્રીજાએ લાકડીથી હૂમલો કર્યો હતો.

મળતી વિગતો મુજબ સુલતાનપુર ગામે રહેતા ભરત નાનજીભાઇ ગોંડલીયા ભાયુભાગમાં આવતી જમીન તથા મકાનનો ભાગ માંગવા માટે પિતાના ઘરે જતા ભાઇ ભૂપત નાનજીભાઇ ગોંડલીયા તથા તેના પુત્ર કેતન રે. સુલતાનપુરએ જમીન તથા મકાનમાં ભાગ આપવાની ના પાડી ગાળો આપી ભરત ભાઇને ઢીકાપટુનો માર માર્યો હતો તેમજ કેતને લાકડીથી હૂમલો કરતા ભરતભાઇને પગમાં ફ્રેકચર થઇ ગયું હતું.

આ અંગે ઇજાગ્રસ્ત ભરતભાઇએ તેના ભાઇ અને ભત્રીજા સામે તાલુકા પોલીસમાં ફરીયાદ કરતા પીએસઆઇ આર. કે. ચાવડાએ ગુન્હો દાખલ કરી તપાસ હાથ ધરી છે.