Gujarati News

Gujarati News

News of Saturday, 27th February 2021

માતા-પુત્ર કોદાળી-લાકડી લઈ પિતા ઉપર તૂટી પડ્યા

ઘરના મોભીને મોતને ઘાટ ઉતાર્યો : બનાવ બાદ આસપાસની વાડી વાળાઓએ પોલીસને જાણ કરતા તાલુકા પોલીસ ઘટના સ્થળ ઉપર પહોંચી હતી

જૂનાગઢ,તા.૨૬ : જૂનાગઢ તાલુકાના ના વડાલ નજીક આવેલ કેરાળા ગામે ગત રાત્રે ખેલાયો હતો. ખૂની ખેલ જેમા માતા પુત્ર યમદૂત બનીને પોતાના ધરના મોભીની હત્યા કરી નાંખી હતી. પોલીસમાંથી જાણવા મળતી વિગતો મુજબ મૃતક દીપક ચંદુભાઈ કુડેચા કેરાળા ગામે આવેલી વાડીએ પોતાની પત્ની, દીકરા અને દીકરી સાથે પરીવાર સાથે રહેતો હતો અવારનવાર ધર્મા ઝગડા થતા હતા પણ પરિવારજનોની સમજાવટથી કંકાસ આગળ વધતો નહી. પણ ગઈ કાલે રાત્રે ફરી પરિવારમા ઝગડો થયો હતો અને ઝગડો એટલો ઉગ્ર બની ગયો હતો કે મૃતક દીપક ની પત્ની વીજયા, દીકરો જયેશ ખેત ઓજાર કોદાળી વડે દીપક ઉપર તુટી પડ્યા હતા અને કોદાળી તેમજ લાકડીથી દીપકના માથાના ભાગે ઉપરા-ઉપરી ઘા કરતા દીપક તયા ઢળી પડ્યો હતો અને તેનુ પ્રાણ પંખેરૂ ઉડી ગયુ હતુ.

બનાવ બાદ આસપાસની વાડી વાળાઓએ પોલીસને જાણ કરતા તાલુકા પોલીસ સ્થળ પર પહોંચી હતી અને મૃતકની બોડીને પી. એમ માટે રવાના કરાઈ હતી. ત્યાર બાદ પોલીસે તેમના પરિવાર જનોના નિવેદન લેતા મૃતક દીપકની માતાએ દીપકની પત્ની વિજયા, પુત્ર જયેશ તેમજ દીકરી એકતા વિરૂદ્ધ ફરિયાદ કરતા પોલીસે માતા પુત્રની અટક કરી કરી હતી. અને તેમના કોરોના ટેસ્ટ માટે રવાના કરવામા આવ્યા છે. દીકરી એકતાનો હાલ કોઈ રોલ સામે આવ્યો નથી એટલે પોલીસે તેની અટક કરી નથી પણ તપાસ મા બહાર આવશે તો તેની ધરપકડ કરવામાં આવશે. હાલ માતા-પુત્રના રીપોર્ટ આવ્યા બાદ સાચી હકીકત જાણવા મળશે પણ હાલ તો ઘર કંકાસને લઈને બનાવ બન્યો હોવાનુ સામે આવ્યુ છે.

(9:28 pm IST)
  • કોરોનાનો કહેર વધતા આંતરરાષ્ટ્રીય યાત્રી ઉડાનો પર 31મી માર્ચ સુધી પ્રતિબંધ લંબાવાયો : DGCAએ ભારત આવનારી અને અહીંથી જનાર વાણિજ્યીક આંતરરાષ્ટ્રીય ઉદયન પર પ્રતિબંધ 31 માર્ચ સુધી વધારી દીધો access_time 12:48 am IST

  • રવિદાસજીએ સદીઓ પહેલા સમાનતા, સદભાવના અને કરૂણા પર સંદેશા આપ્યા હતા : નરેન્દ્રભાઈ : વડાપ્રધાન શ્રી નરેન્દ્રભાઇ મોદીએ આજે ટ્વિટર ઉપર લખ્યું છે કે સંત રવિદાસજીએ સદીઓ પહેલા સમાનતા, સદભાવના અને કરુણા પર સંદેશા આપ્યા હતા, જે યુગો યુગો સુધી દેશવાસીઓને પ્રેરણા આપશે. હું તેમની જન્મજયંતિ પર તેમને સાદર વંદન કરું છું. access_time 5:04 pm IST

  • નકલી ડીગ્રીવાળા 2823 અધ્યાપકોને મોટો ઝટકો : અલ્હાબાદ હાઇકોર્ટે હકાલપટ્ટીની યોગ્ય ઠેરવી :અલ્હાબાદ હાઇકોર્ટે આ મામલે એકલ પીઠના આદેશને યોગ્ય માન્યો અને હસ્તક્ષેપ કરવા ઇન્કાર કર્યો access_time 12:41 am IST