Gujarati News

જૂનાગઢ રેન્જના નાયબ પોલીસ મહાનિરીક્ષક મનીંદર પ્રતાપસિંહ પવાર તથા પોરબંદર ઇન્ચાર્જ પોલીસ અધિક્ષક‌ જે.સી.કોઠીયાના સુચના મુજબ પોરબંદર જીલ્લા માંથી આઇ.પી.એલ ક્રિકેટ લાઇવ મેચ ઉપર રમાતો ક્રિકેટ સટૃો નાબુદ કરવા માટે આપેલ સુચના અન્વયે તથા  પોરબંદર શહેરના કમલાબાગ પોલીસ સ્ટેશનના પો.ઇન્સ એન.એન.રબારીના માર્ગદર્શન હેઠળ કમલાબાગ પોલીસ સ્ટેશનના સર્વલન્સ સ્કવોડના પો.સબ.ઈન્સ એચ.એન.ચુડાસમા તથા સર્વલન્સ સ્કવોડના માણસો સાથે પોલીસ સ્ટેશન વિસ્તારમાં પેટ્રોલીગમાં હતા

 દરમ્યાન પો.હેડ કોન્સ ભરતસિંહ તથા પો.કોન્સ વિરેન્દ્રસીંહ ને બાતમીરાહે હકીકત મળેલ કે, પોરબંદર રામધુન મંદીર સામે રાજેશ હાજાભાઇ મારૂ પોતાની કન્ટ્રકશનની ઓફીસના ઉપરના માળે આવેલ રૂમમાં ટીવી ઉપર ઇન્ડીયન પ્રીમીયમ લીગ -૨૦૨૦ ની ૨૦-૨૦ ક્રિકેટ લાઇવ મેચ ઉપર બહાર થી માણસો બોલાવી પૈસા વડે રન ફેરનો જુગાર રમાડે છે. જે બાતમી આધારે સદર જગ્યાએ રેઇડ કરતા કૂલ ત્રણ ઇસમો ટી.વી. ઉપર ઇન્ડીયન પ્રીમીયમ લીગ-૨૦૨૦ ની ૨૦-૨૦ KXIP V/S RCB ટીમની  લાઇવ ક્રિકેટ મેચ ઉપર રન ફેરનો હારજીતનો જુગાર રમતા રોકડા રૂા.૨૨૪૦૦ તથા મોબાઇલ ફોન નંગ-૫ કિ.રૂ.૩૭૦૦૦ તથા સેમસંગ કંપનીનુ એલ.ઇ.ડી  કલર ટી.વી.-૧, તથા ટાટા સ્કાય  સેટ ટોપ બોકસ-૧ , લેપટોપ-૧ , જી.ટી.પી.એલનુ રાઉન્ટર વિગેરે મળી કૂલ કિ.રૂ.૯૦.૫૦૦ નાં મુદામાલ સાથે મળી આવતા તેઓની સામે જુગારધારા કલમ-૪-૫ મુજબનો ગુન્હો રજી. કરાવેલછે

 આરોપી  (૧) રાજેશ હાજાભાઇ મારૂ ઉવ.૪૦ રહે. ગાયત્રી મંદીર સામે રવીપાર્ક મારૂતી પેલેસ એપાર્ટમેન્ટ બ્લોક નં.૩૦૧,પોરબંદર (૨) રીતેશ વિજયભાઇ લોઢારી ઉવ.૪૦ રહે. ભદ્રકાલી મંદીર પાસે શેરી નં.૨ લીમડા ચોક પાસે પોરબંદર (૩) મનોજ ભીમજીભાઇ ટોડરમલ ઉવ.૩૭ રહે. લીમડા ચોક દક્ષ હોસ્પિટલ સામેની ગલીમાં પોરબંદરને ઝડપી લેવાયા છે

  આ કામગીરીમાં કમલાબાગ પોલીસ સ્ટેશન પોલીસ ઇન્સપેકટર એન.એન.રબારી તથા સર્વેલન્સ સ્કોડના પો.સ.ઇ. એચ.એન.ચુડાસમા તથા એ.એસ.આઇ. વી.એસ.આગઠ , પો.હેડ.કોન્સ જીણાભાઇ, ભરતસિંહ તથા પો.કોન્સ. વિજયભાઇ , ભીમશીભાઇ , કનકસિંહ, વિરેન્દ્રસીંહ , અક્ષયભાઇ , ભીખુભા , વિગેરે પોલીસ સ્ટાફ કામગીરીમાં જોડાયેલ હતા.