Gujarati News

Gujarati News

News of Tuesday, 29th September 2020

ભાવનગરમાં સવા ત્રણ લાખની ચોરી

પટેલ મહિલાના બંધ મકાનને નિશાન બનાવતા તસ્‍કરો : ૧૨ તોલાના દાગીના ઉઠાવી ગયા

ભાવનગર તા. ૨૯ : ભાવનગરમાં પટેલ મહિલાના બંધ મકાનને નિશાન બનાવી તસ્‍કરો ૧૨ તોલાના સોનાના દાગીના અને રોકડ મળી કુલ રૂા. ૩.૧૨ લાખની મત્તાનો હાથફેરો કરી નાસી છૂટયાની પોલીસ દફતરે ફરિયાદ નોંધાઇ છે.  મળતી વિગતો મુજબ શહેરના વિજયરાજનગર પ્‍લોટ નં. ૫૭૬માં રહેતા સાડીનો વેપાર કરતા કૈલાસબેન રણછોડભાઇ લાખાણી તેમના સુરત રહેતા કૌટુંબિકભાઇનું અવસાન થતાં તેઓ પરિવાર સાથે લૌકિક કામે સુરત ગયા હતા ત્‍યારે તેના બંધ મકાનને નિશાન બનાવી તસ્‍કરોએ તાળા તોડી ઘરમાં પ્રવેશી તિજોરી - કબાટના તાળા તોડી ૧૨ તોલાના સોનાના દાગીના કિંમત રૂા. ૩ લાખ અને રોકડા રૂા. ૧૨ હજાર મળી કુલ રૂા. ૩.૧૨ લાખની મત્તાની ચોરી કરી નાસી છૂટયા હતા. આ અંગે કૈલાશબેન લાખાણીએ એ-ડીવીઝન પોલીસ સ્‍ટેશનમાં ફરિયાદ નોંધાવતા પી.આઇ. આર.આઇ.પટેલ વધુ તપાસ ચલાવી રહ્યા છે.

(11:02 am IST)
  • દેશમાં કોરોનાના કહેર વચ્ચે સતત ઘટતા નવા કેસ અને રિકવર થનારની વધતી સંખ્યા : રાત્રે 12 વાગ્યા સુધીમાં નવા 80,500 કેસ નોંધાયા:કુલ કેસની સંખ્યા 62,23,519 થઇ હાલમાં 9,40,473 એક્ટીવ કેસ: વધુ 86,061 દર્દીઓ સ્વસ્થ થતા કુલ 51,84,634 રિકવર થયા : વધુ 1178 લોકોના મોત સાથે મૃત્યુઆંક 97,529 થયો access_time 1:04 am IST

  • બિહારમાં ગઠબંધનનો દોર શરૂ :પપ્પુ યાદવની જન અધિકારી પાર્ટી, ચંન્દ્રશેખર આઝાદની આઝાદ સમાજ પાર્ટી, બીએમપી અને સોશિયલ ડેમોક્રેટિક પાર્ટી ઓફ ઈન્ડિયાએ સાથે મળીને પીડીએ( પ્રોગ્રેસિવ ડેમોક્રેટિક અલાયંસ) બનાવ્યુ: રાલોસપાના અધ્યક્ષ ઉપેન્દ્ર કુશવાહ સાથે વાતચીત ચાલુ: લોજપા અને કોંગ્રેસને પણ ગઠબંધનમાં સામેલ થવા કહેણ : પપ્પુ યાદવે કહ્યું રાજ્યમાં ચાલી રહેલા 30 વર્ષનું મહાપાપ હવે ખતમ થશે access_time 12:53 am IST

  • ' જનોઈની કસમ ,આ વખતે બીજેપી ને વોટ નહીં ' : અયોધ્યામાં નિર્માણ પામી રહેલા શ્રી રામ એરપોર્ટ માટે સંપાદન કરાયેલી જમીનનું યોગ્ય વળતર ન મળ્યું : જબરદસ્તી સહીઓ લેવાઈ ગઈ : ખેડૂતોનો ઉગ્ર આક્રોશ : સમાજવાદી પાર્ટીએ ખેડૂતોના હક્ક માટે લડત આપવા તૈયારી બતાવી access_time 7:41 pm IST