મોરબીના રવાપર ધુનડા રોડ પર જુગાર રમતા સાત ઝડપાયા

(પ્રવિણ વ્યાસ દ્વારા) મોરબી તા. ૧૬ : જીલ્લા પોલીસ વડા એસ આર ઓડેદરા તથા ડીવાયએસપી રાધિકા ભારાઈના માર્ગદશન હેઠળ મોરબી એ ડીવીઝન પી આઈ બી જી સરવૈયાની સુચનાથી પી એસ આઈ એન એચ ચુડાસમા સહિતની ટીમ પેટ્રોલિંગમાં હોય દરમિયાન મોરબીના રવાપર ધુનડા રોડ હનુમાન મંદિર પાસે ખુલ્લા પ્લોટમાં જુગાર રમતા મણીલાલ પટેલ, દેવદાનભાઈ મોમૈયાભાઈ કુંભારવાડિયા, અવચરભાઈ લાલજીભાઈ ગોઠી, લક્ષ્મણભાઈ વાઘજીભાઈ માકાસણા, હેમશંકરભાઈ પ્રાણશંકર જોષી, શંકરલાલ અંબારામભાઈ દેત્રોજા અને મનસુખભાઈ પ્રેમજીભાઈ વિઠલાપરાને રોકડ રકમ રૂ.૧૩,૯૦૦ સાથે ઝડપી પાડી ધોરણસરની કાર્યવાહી હાથ ધરી છે.

કુંતાસી ગામે જુગાર રમતા પાંચ ઝડપાયા

માળિયા તાલુકાના કુંતાસી ગામે જાહેરમાં જુગાર રમાતો હોય જે બાતમીને આધારે માળિયા પોલીસે દરોડો કર્યો હતો જેમાં જુગાર રમતા ચતુર મનજી બાબરિયા, ભરત પ્રતાપ બાબરિયા, લાભુ મગન પરસુંડા, કિશન દેવજી સોમાણી અને વિજય ઉર્ફે ભૂપત દેવા નાટડા રહે બધા કુંતાસી તા. માળિયા વાળાને ઝડપી લઈને રોકડ રકમ રૂ ૧૫,૪૦૦ જપ્ત કરી ધોરણસરની કાર્યવાહી હાથ ધરી છે.