Gujarati News

Gujarati News

News of Monday, 1st March 2021

વેલડન વિનેશ...ગોલ્ડ જીત્યો

રોમમાં થનારી ટૂર્નામેન્ટમાં પણ ભાગ લેશે

કિવ (યુક્રેન): ભારતીય મહિલા રેસલર વિનેશ ફોગાટે આઉટસ્ટેન્ડિંગ યુક્રેનિયન રેસલર્સ એન્ડ કોચિસ મેમોરિયલ ટુર્નામેન્ટમાં બેલારસની રેસલર અને ભૂતપૂર્વ વર્લ્ડ ચેમ્પિયન વી.કાલાદઝિન્સ્કેને ૫૩ કિલોગ્રામની કેટેગરીમાં ૧૦-૮થી મહાત આપીને ગોલ્ડ મેડલ જીતી લીધો હતો.

કોરોનાને લીધે લદાયેલા લોકડાઉનને લીધે વિનેશ ગેમથી લગભગ એક વર્ષ દુર રહી હતી. નવેમ્બર ૨૦૨૦થી યુરોપમાં ટ્રેઈનિંગ લઈ રહેલી વિનેશ પહેલાં જ ટોકયો ઓલિમ્પિકસ માટે કવોલિફાય કરી ચૂકી છે. આ ટુર્નામેન્ટ જીત્યા બાદ હવે તે ૪ થી ૭ માર્ચ સુધી રોમમાં થનારા આ સત્રની પહેલી રેન્કિંગ ટુર્નામેન્ટમાં ભાગ લેશે. વિનેશ ૨૦૧૪માં કોમનવેલ્થ અને ૨૦૧૮માં એશિયન ગેમ્સમાં ગોલ્ડ મેડલ જીતી હતી.

(4:31 pm IST)
  • છેલ્લા ર૪ કલાકમાં ૧પપ૧૦ કેસઃ ૧૦૬ના મોતઃ દેશમાં કુલ કેસ ૧,૧૦,૯૬,૭૩૧ થયા નવી દિલ્‍હી : છેલ્લા ર૪ કલાકમાં ૧પપ૧૦ નવા કેસ સામે આવ્‍યા છે. આ દરમિયાન ૧૦૬ લોકોના મોત થયા છે. દેશમાં કુલ કેસની સંખ્‍યા વધીને ૧,૧૦,૯૬,૭૩૧ થઇ છે. કુલ મૃત્‍યુઆંક ૧,પ૭,૧પ૭ થયો છે. હાલ એકટીવ કેસ ૧,૬૮,૬ર૭ છે. અત્‍યાર સુધીમાં ૧,૪૩,૦૧,ર૬૬ લોકોનું રસીકરણ થયું છે. access_time 12:00 am IST

  • તામિલનાડુમાં ચૂંટણીના માહોલ વચ્ચે કોરોનાનો કહેર વધતા 31મી માર્ચ સુધી લોકડાઉન વધારાયુ : સરકારી, પ્રાઇવેટ સંસ્થાનો, ઉદ્યોગગૃહ સહીત એકમોમાં ઓછામાં ઓછા કર્મચારીઓને બોલવવા નિર્દેશ :કંટેઇન્મેન્ટ ઝોનમાં સતર્કતા રાખવા સાથે વૃધ્ધો , બાળકો અને ગર્ભવતી મહિલાઓને ખાસ સાવચેતી રાખવા અપીલ access_time 11:27 pm IST

  • રીવરફ્રન્ટ ઉપર વધુ એક મહિલાએ આત્મહત્યાનો પ્રયાસ કર્યો :અમદાવાદના રાયપુર વિસ્તારમાં રહેતી એકે મહિલાએ સાબરમતી રીવરફ્રન્ટ પર કુદીને આત્મહત્યાનો -યાસ કર્યો હતો. અમદાવાદ રિવરફ્રન્ટ પર પુલથી મહિલા જેવી જ નદીમાં કુદી ફાયરબ્રિગેડની સ્પીડ બોટ તુરંત ઘટનાસ્થળે પહોચી ગઇ હતી અને મહિલાનો જીવ બચાવ્યો હતો. મહિલાને તે બાદ રીવરફ્રન્ટ પોલીસ સ્ટેશને લઇ જવામાં આવી હતી. પોલીસ હવે મહિલાના આત્મહત્યાના કારણની તપાસ કરશે અને તે બાદ વધુ કાર્યવાહી હાથ ધરશે. access_time 4:27 pm IST