Gujarati News

Gujarati News

News of Friday, 15th January 2021

નટરાજન- સુંદરનું ડેબ્યુઃ ઓસ્ટ્રેલીયા ૨૭૪/૫

બ્રિસ્બેન ટેસ્ટ દિવસ-૧ પૂર્ણઃ લબુસેનની સદી (૧૦૮ રન) : નટરાજનને ૨, શિરાજ- ઠાકુર અને સુંદરને ૧-૧ વિકેટઃ શૈની ઈન્જર્ડ, લગભગ સમગ્ર ટેસ્ટમાં બોલીંગ નહી કરી શકે

બ્રિસ્બેનઃ સિરીઝનો  અંતિમ ટેસ્ટ આજથી પ્રારંભ થયો છે. ઓસ્ટ્રેલીયાએ ટોસ જીતી દાવ લેતા પ્રથમ દિવસથી રમતના અંતે ૮૭ ઓવરમાં ૫ વિકેટે ૨૭૪ રન બનાવ્યા હતા. લબુશેને સદી ફટકારી હતી. તો આજના ટેસ્ટમાં નટરાજન અને સુંદરે ડેબ્યુ કર્યુ છે. ભારતીય ટીમને ઈજાઓ પીછો છોડતો નથી. હવે નવદીપ સૈની બોલીંગ દરમ્યાન ઘાયલ થતાં આખા મેચમાં બોલીંગ કરે તેવી શકયતા નથી. આમ, ભારતીય ટીમની બોલીંગલાઈનઅપ થોડી નબળી પડી છે.

આ અગાઉ ઓસ્ટ્રેલીયાઓ ટોસ જીતી દાવ લેતા શીરાજે કાંગારૂઓને ઝાટકો આપ્યો હતો. માત્ર ૧ રનમાં વોર્નરને પેવેલીયન ભેગો કરી દીધો હતો. બાદમાં શાર્દુલ ઠાકુરે પણ ઓપનાર હેરીસને ૫ રનના સ્કોરે સુંદરના હાથે કેચ આઉટ કરાવી દીધો હતો. સ્મિથ ૩૬ અને વેડ ૪૫ રન બનાવી આઉટ થયા હતા. તો લબુશેને ૨૦૪ બોલમાં ૯ ચોગ્ગા સાથે સદી ફટકારી હતી. તેણે ૧૦૮ રન બનાવ્યા હતા. ગ્રીન ૨૮ અને પેન ૩૮ રને નોટઆઉટ રહ્યા હતા. ટીમ ઈન્ડિયાના યુવા બોલરોએ સારી બોલીંગનું પ્રદર્શન કર્યુ હતું. ટેસ્ટ ડેબ્યુ કરેલ નટરાજને ૨ અને વોશીંગ્ટન સુંદરે ૧ તો શિરાજ અને ઠાકુરે ૧-૧ વિકેટ ઝડપી છે.ભારતીય ટીમ ઈજાઓથી પરેશાન છે. આજે બોલીંગ દરમ્યાન નવદીપ સૈની પણ ઈજાગ્રસ્ત બનેલ. તેને હોસ્પિટલ લઈ જવાયાનું જાણવા મળેલ છે. લગભગ આખા ટેસ્ટમાં બોલીંગ કરી શકશે નહી. આવતીકાલનો દિવસ ભારતીય ટીમ માટે મહત્વનો રહેશે. બોલરોએ ઝડપી વિકેટો મેળવી કાંગારૂઓને પેવેલીયન ભેગા કરવા પડશે.

(4:31 pm IST)
  • ભાજપ સાંસદ સાધ્વી પ્રજ્ઞાએ પોતાને મળતા પગારમાંથી 1.11 લાખ રૂપિયા રામ મંદિર નિર્માણ માટે આપ્યા : ભારત ભક્તિ અખાડા તરફથી 11 લાખ રૂપિયાનું દાન આપ્યું : વિશ્વ હિન્દૂ પરિષદને ચેક આપતી વખતે મંદિર નિર્માણમાં તેઓના સહયોગને બિરદાવ્યું access_time 6:27 pm IST

  • ૨૨થી વધુ વ્હીલવાળો મહાકાય ટ્રક પુલ નીચે ખાબકયો : રાજકોટથી અમદાવાદ હાઈવે ઉપરના બગોદરા નજીક આવેલ પુલ ઉપરથી આજે બપોરે એક મહાકાય ટ્રકના ચાલકે અચાનક બેલેન્સ ગુમાવતા ટ્રક પુલ નીચે ખાબકયો હતો : સદ્દનસીબે કોઈ મોટી જાનહાની સર્જાઈ ન હતી : હાઈવે ઉપરના વાહન ચાલકોએ તુરંત જ પોતાની ગાડીઓ થંભાવી અને ટ્રક ચાલક પાસે પહોંચી ગયા હતા પરંતુ ટ્રકચાલકને પણ કોઈ મોટી ઈજા થઈ ન હતી, દરમિયાન આસપાસના લોકોએ માર્ગ ઉપર સેફટીના સાધનો મૂકી વાહન વ્યવહાર ડાયવર્ટ કરાવ્યો હતો. access_time 4:25 pm IST

  • એ.કે.શર્મા ઉત્તરપ્રદેશમાં ભાજપના ઉમેદવાર બન્યા : ધારાસભ્ય બની પ્રધાન બનશે? : તાજેતરમાં સીનીયર આઈએએસ ઓફીસર અને ગુજરાત કેડરના શ્રી એ.કે. શર્માએ વીઆરએસ લઈ નિવૃતિ જાહેર કરી હતી. તેઓ ભાજપમાં જોડાઈ ગયા છે અને ઉત્તર પ્રદેશમાં યોજાઈ રહેલ ઉપલા ગૃહની ચૂંટણીમાં એમએલસી (ધારાસભ્ય) પદ માટે તેમના નામની જાહેરાત થઈ છે. તેઓ યોગી સરકારમાં મહત્વના પદ ઉપર પ્રધાન બની રહ્યાનું નિશ્ચિત મનાય છે. access_time 3:21 pm IST