Gujarati News

Gujarati News

News of Saturday, 23rd January 2021

‘અપને તો અપને હોતે હૈ' ક્રિકેટર હાર્દિક પંડયાએ પોતાના પિતાનો ખૂબ જ ઇમોશનલ વીડિયો શેર કર્યો

નવી દિલ્હી: ટીમ ઇન્ડિયાના ઓલરાઉન્ડર હાર્દિક પંડ્યાના પિતા હિમાંશુ પંડ્યાને હાર્ટ એટેક આવવાથી 16 જાન્યુઆરીના રોજ તેમનું નિધન થયું છે. તેઓ 71 વર્ષના હતા. હાર્દિક તેના પિતાને યાદ કરી ફરી એકવાર ભાવુક થયો છે.

હાર્દિકે કર્યા પિતાને યાદ

હાર્દિક પંડ્યા તેના પિતાને ઘણો મિસ કરી રહ્યો છે. તેણે ખુબજ ઇમોશનલ વીડિયો શરે કર્યો છે. જેમાં હાર્દિક અને તેના પિતા હિમાંશુ પંડ્યાની કેટલીક યાદો જોડાયેલી છે. વીડિયોમાં સોન્ગ 'અપને તો અપને હોતે હૈ'નો ઉપયોગ કર્યો છે.

જ્યારે અમિતાભને મળ્યા હાર્દિકના પિતા

આ વીડિયોમાં હાર્દિકના પિતા સુપરસ્ટાર અમિતાભ બચ્ચનને મળતા જોવા મળી રહ્યા છે. અમિતાભ હિમાંશુ પંડ્યાને  કહી રહ્યા છે કે, 'તમે ખુબજ સારી સંતાનને જન્મ આપ્યો છે, ભારતનું નામ રોશન કર્યું ભાઈ'

પિતાનો પ્રિય હતો હાર્દિક

હાર્દિક નાનો દિકરો હોવાના કારણે પિતાનો પ્રિય હતો. આ ઓલરાઉન્ડરે થોડા દિવસ પહેલા ઇન્સ્ટાગ્રામ પર લખ્યું હતું, 'તમને અમારા પર ગર્વ હતો, પરંતુ પિતા અમને બધાને આ વાત પર ગર્વ છે કે, તમે હમેશાં પોતાનું જીવન જીવ્યા! જેમ કે મેં કાલે કહ્યું હતું અને ફરી એકવાર કહીશ કે હું તમને મારા જીવનમાં દરરોજ મિસ કરીશ. લવ યૂ ડેડી.'

(4:44 pm IST)
  • હવે ઇંગ્લેન્ડમાં આશરો માગશે ભાગેડુ વિજય માલ્યા : ભારતમાંથી નાસી છુટેલ ઉદ્યોગપતિ, કિંગફિશરના વિજય માલ્યા ટૂંક સમયમાં ઇંગ્લેન્ડમાં શરણું માગવા અરજી કરશે તેવું જાણવા મળે છે access_time 12:54 pm IST

  • અમદાવાદમાં પણ સવારે ધુમ્મસભર્યું વાતાવરણઃ અમદાવાદ-વડોદરા એકસપ્રેસ હાઇવે ઉપર વાહન ચાલકોને લાઇટો ચાલુ રાખવાની ફરજ પડી : રાજકોટઃ સૌરાષ્ટ્ર સહિત ગુજરાતભરમાં છેલ્લા બે-ત્રણ દિવસથી સવારે ઝાળકવર્ષા જોવા મળે છે. દરમિયાન આવે વ્હેલી સવારે અમદાવાદમાં ગાઢ ધુમ્મસ જોવા મળેલ તો અમદાવાદ એકસપ્રેસ હાઇવે ઉપર ધુમ્મસના પગલે વાહનચાલકોને ભારે પરેશાનીનો સામનો કરવો પડયો હતો. લાઇટો ચાલુ રાખી ધીમી સ્પીડે કાર ચાલકો વાહન ચલાવતા જોવા મળ્યા હતા. access_time 11:33 am IST

  • ઉત્તર પ્રદેશમાં ધુમ્મસભર્યા માહોલ વચ્ચે ઠંડીનો જોરદાર ધ્રુજારો : વેસ્ટર્ન ડિસ્ટર્બનસની અસરથી ઉત્તર પ્રદેશમાં ફરી વાતાવરણમાં પલ્ટો આવ્યો છે. લખનઉ સહિત અનેક જિલ્લાઓમાં ધુમ્મસભર્યુ વાતાવરણ રહેલ. હવામાન વિભાગના જણાવ્યા મુજબ આગામી દિવસોમાં પણ ઠંડીમાંથી રાહત મળવાની નથી. ઠંડા પવનો ફૂંકાવાના કારણે લોકો ઠુઠવાઈ રહ્યા છે. દરમિયાન પહાડી પ્રદેશોમાં બરફવર્ષાના પગલે યુ.પી.ના અનેક જિલ્લાઓમાં ઠંડીનું મોજુ ફરી વળશે access_time 2:29 pm IST