Gujarati News

Gujarati News

News of Saturday, 23rd January 2021

આઈટીબીપીએ જીતી 10મી રાષ્ટ્રીય આઇસ હોકી સ્પર્ધા

નવી દિલ્હી: ગુલમર્ગમાં આઈસ હોકી એસોસિએશન ઓફ ઈન્ડિયા (આઈએચએઆઈ) ની 10મી રાષ્ટ્રીય આઇસ હોકી સ્પર્ધામાં ઇન્ડો તિબેટીયન બોર્ડર પોલીસ (આઈટીબીપી) જીતી. આઇટીબીપીના પ્રવક્તા વિવેક પાંડેના જણાવ્યા અનુસાર આઇટીબીપીએ ફાઈનલમાં લદાખને હરાવીને આઈસ હોકી એસોસિએશન ઓફ ઈન્ડિયા (આઈએચએઆઈ) ની 10 મી રાષ્ટ્રીય આઇસ હોકી સ્પર્ધા જીતી લીધી છે. સમુદ્રની સપાટીથી 694  ફુટ ઉપર આયોજિત ગુલમર્ગ આઇસ આઇસ રિંક પર માઇનસ એક ડિગ્રી તાપમાનના વાતાવરણમાં આ સ્પર્ધા યોજવામાં આવી હતી. આ અંતિમ મેચને સેંકડો લોકોએ જોયા. આઇટીબીપી તરફથી ઉર્બિયન અને તાશીએ 2-2 ગોલ કર્યા જ્યારે ફનચુકે 1 ગોલ કર્યો. 16 થી 22 જાન્યુઆરી 2021 દરમિયાન યોજાયેલી આ સ્પર્ધામાં દેશની મોટી આઈ આઇસ હોકી ટીમોએ ભાગ લીધો હતો. આઈટીબીપીની એક મજબૂત આઇસ હોકી ટીમ છે, જેમાં ઘણા ખેલાડીઓ રાષ્ટ્રીય ટીમમાં દેશનું પ્રતિનિધિત્વ કરે છે. પાછલા વર્ષોમાં દળની આ ટીમે વર્ષ 2019 માં રાષ્ટ્રીય આઇસ હોકી સ્પર્ધા સહિત ઘણી સ્પર્ધાઓ જીતી લીધી છે. લદ્દાખને દેશનું આઇસ હોકી કેન્દ્ર માનવામાં આવે છે. સ્થાનિક લોકો અહીં આ રમત વિશે ખૂબ ઉત્સાહિત છે.

(6:05 pm IST)
  • ઉત્તર પ્રદેશમાં ધુમ્મસભર્યા માહોલ વચ્ચે ઠંડીનો જોરદાર ધ્રુજારો : વેસ્ટર્ન ડિસ્ટર્બનસની અસરથી ઉત્તર પ્રદેશમાં ફરી વાતાવરણમાં પલ્ટો આવ્યો છે. લખનઉ સહિત અનેક જિલ્લાઓમાં ધુમ્મસભર્યુ વાતાવરણ રહેલ. હવામાન વિભાગના જણાવ્યા મુજબ આગામી દિવસોમાં પણ ઠંડીમાંથી રાહત મળવાની નથી. ઠંડા પવનો ફૂંકાવાના કારણે લોકો ઠુઠવાઈ રહ્યા છે. દરમિયાન પહાડી પ્રદેશોમાં બરફવર્ષાના પગલે યુ.પી.ના અનેક જિલ્લાઓમાં ઠંડીનું મોજુ ફરી વળશે access_time 2:29 pm IST

  • સુરેન્દ્રનગરમાં સ્થાનીક સ્વરાજ્યની ચૂંટણી પહેલા ભાજપમાં ભંગાણઃ મુળી તાલુકામાં કોંગ્રેસનું જનજાગૃતિ અભિયાન, ઉમરડા ગામના સરપંચ સહિત ૧૦૦ કાર્યકરો કોંગ્રેસમાં જોડાયા, ધારાસભ્ય ઋત્વિક મકવાણાએ કાર્યકરોને કોંગ્રેસનો ખેસ પહેરાવી સ્વાગત કર્યું access_time 12:53 pm IST

  • યુવાઓને વધુને વધુ ટિકીટ આપવામાં આવશે : સી.આર. પાટીલ : ભાજપમાં યુવાઓને વધુ ટીકીટ અપાશે તેવા સંકેત પ્રદેશ પ્રમુખ સી.આર.પાટીલે આપ્યો છે : ૫૫થી વધુ ઉંમરના લોકો ટીકીટ ન માંગે તેમ જણાવી ટીકીટ માટે તૈયારીઓ કરી રહેલા સીનીયર કાર્યકર્તાઓને સંકેત આપ્યો હતો access_time 12:52 pm IST