Gujarati News

Gujarati News

News of Monday, 23rd November 2020

ભારત 2022માં ફીફા અન્ડર -17 મહિલા વર્લ્ડ કપનું કરશે આયોજન

નવી દિલ્હી: આંતરરાષ્ટ્રીય ફૂટબોલ ફેડરેશન ફીફાએ પુષ્ટિ આપી છે કે ભારત 2022 માં ફીફા અન્ડર -17 મહિલા વર્લ્ડ કપનું આયોજન કરશે. ફીફાએ 2021 ની શરૂઆતમાં અંડર -20 વિમેન્સ વર્લ્ડ કપ 2020 અને ફીફા અન્ડર -17 વિમેન્સ વર્લ્ડ કપ યોજવાનું નક્કી કર્યું હતું, પરંતુ ફિફાએ કોરોનાની સ્થિતિને ધ્યાનમાં રાખીને યજમાન સભ્ય એસોસિએશનો અને અન્ય હોદ્દેદારો સાથે વાતચીત કરવાનું ચાલુ રાખ્યું હતું. કારણ કે દરેકને વય જૂથની ટૂર્નામેન્ટ્સની ચિંતા હતી.કોરોનાને કારણે ટૂર્નામેન્ટ્સ માટેની લાયકાત પણ પૂર્ણ કરવી મુશ્કેલ હતી. ફિફા કન્ફેડરેશનના કોવિડ -19 વર્કિંગ ગ્રૂપે બધી બાબતોને ધ્યાનમાં લીધા પછી 2020 યુવા મહિલા ટુર્નામેન્ટ્સ રદ કરવાનો નિર્ણય લીધો છે. પછી બંને ટૂર્નામેન્ટ્સના આયોજનની જવાબદારી એવા દેશોને આપવાની ભલામણ કરવામાં આવી હતી, જે મૂળ તેમના યજમાન હતા. ફિફા કાઉન્સિલના બ્યુરોએ મંજૂરી આપી દીધી છે કે કોસ્ટા રિકા 2022 માં ફીફા અંડર -20 મહિલા વર્લ્ડ કપ અને 2022 માં ભારત ફીફા અન્ડર -17 મહિલા વર્લ્ડ કપનું આયોજન કરશે.

(5:28 pm IST)
  • મુંબઈ સહિત મહારાષ્ટ્રમાં જામતી ઠંડીઃ કાલથી ચેન્નાઈમાં ધમધોકાર વરસાદ : મહારાષ્ટ્રમાં મુંબઈ, પુણે, નાસિક, મહાબલેશ્વર સહિતના સ્થળોએ રાત્રીના અને વ્હેલી સવારે હવે ઠંડી જામતી જશે : વિશ્વ પ્રસિદ્ધ મહાબળેશ્વરમાં તો ૧૧-૧૨ ડિગ્રી જેવું ઠંડુ ઉ.માન થઈ જશે : ચેન્નાઈમાં આવતીકાલથી ૨૪-૨૫ બે દિવસ ધમધોકાર વરસાદ પડશે : ૨૫મીએ ૪ ઈંચથી પણ વધુ ભારે વરસાદ ખાબકવાની આગાહી થઈ છે : કાલે અને પરમદિવસે, મંગળ-બુધવારે જોરદાર પવન ફૂંકાશે : દિલ્હીનું હવામાન સવારનું ૧૧ ડિગ્રી અને દિવસનું ૨૪ ડિગ્રી આસપાસ રહેશે access_time 11:31 am IST

  • દેશમાં કોરોનાનો કહેર યથાવત : કુલ કેસનો આંકડો 91 લાખને પાર પહોંચ્યો : રાત્રે 11 વાગ્યા સુધીમાં કોરોનાના નવા 43,652 કેસ નોંધાયા :કુલ કેસનો આંકડો 91,39,560 થયો :એક્ટીવ કેસ ઘટીને 4,43,125 થયા:વધુ 40, 586 દર્દીઓ સ્વસ્થ થતા કુલ 85,60,625 રિકવર થયા :વધુ 487 લોકોના મોત સાથે કુલ મૃત્યુઆંક 1,33,750 થયો access_time 12:06 am IST

  • કાંદિવલીમાં 24 માં માળે આગ લાગી: મહારાષ્ટ્ર: મુંબઇના કાંદિવલી પૂર્વ વિસ્તારના ઠાકુર ગામમાં ચેલેન્જર્સ ટાવરના 24 મા માળના ફ્લેટમાં આગ લાગી: હજી સુધી કોઈ જાનહાનિ નોંધાઈ નથી. access_time 11:38 pm IST