Gujarati News

Gujarati News

News of Friday, 25th September 2020

IPLમાં સૌથી ઝડપી 2,000 રન બનાવનાર પ્રથમ ભારતીય ખેલાડી બન્યો કેએલ રાહુલ

સચિને 63 ઇનિગ્સમાં ફટકારેલા 2000 રન રાહુલે 60 ઇનિંગ્સમાં બનાવ્યા

મુંબઈ : આઈપીએલ 2020ની છઠ્ઠી મેચ રોયલ ચેલેન્જર્સ બેંગલોર અને કિંગ્સ ઇલેવન પંજાબની વચ્ચે દુબઈમાં રમાઈ હતી.આ મેચમાં પંજાબની ટીમે ટોસ જીતીને પ્રથમ બેટિંગ કરવાનો નિર્ણય કર્યો હતો. મેચમાં પંજાબના કેપ્ટન કેએલ રાહુલે બે રન બનાવતાં જ આઈપીએલમાં સૌથી ઝડપી 2000 રન બનાવનાર ભારતીય બેટ્સમેન બની ગાય. રાહુલે આઈપીએલની 60મી ઇનિંગમાં આ કારનામું કર્યું.છે

  આઈપીએલમાં સૌથી ઝડપી 2000 રન બનાવાવનો રેકોર્ડ ક્રિસ ગેલના નામે છે. ગેલે માત્ર 48 ઇનિંગમાં જ આ કારનામું કર્યું હતું. આ યાદીમાં બીજા નંબર પર કિંગ્સ ઇલેવન પંજાબ માટે રમી ચૂકેલ શોન માર્શનો છે. આ ઓસ્ટ્રેલિયન ખેલાડીએ 52 ઇનિંગમાં આ રેકોર્ડ બનાવ્યો હતો. જ્યારે હવે રાહુલ આઈપીએલમાં સૌથી ઝડપી 2000 રન બનાવનાર પ્રથમ ભારતીય બેટ્સમેન બની ગયો છે.
આ પહેલા આઈપીએલમાં સૌથી ઝડપી 2000 રન બનાવવાનો રેકોર્ડ ક્રિકેટના ભગવાન સચિન તેંડુલકરના નામે હતો. સચિને 63 ઇનિંગમાં આ રેકોર્ડ બનાવ્યો હતો. હવે રાહુલે 60 ઇનિંગમાં 2000 રન બનાવીને સિચનને પાછળ છોડી દીધો છે.

(12:30 pm IST)
  • અભૂતપૂર્વ ઘટના!! : ઉત્તર કોરીયાના તાનાશાહ કીમ જોંગ-ઉને દક્ષિણ કોરીયાની માફી માગી :દક્ષિણ કોરીયાના ઓફીસરની હત્યા કરવા માટે એક અભૂતપૂર્વ ઘટનામાં ઉત્તર કોરીયાના સરમુખત્યાર કીમ જોંગ-ઉને દક્ષિણ કોરીયાની માફી માગી હોવાનું દક્ષિણ કોરીયાના રાષ્ટ્રપતિની ઓફીસે જાહેર કર્યું છે. દ. કોરીયાએ કહેલ કે ૪૭ વર્ષનો વ્યકિત ઉત્તર કોરીયા જવા માગતો હતો ત્યારે તેને ફુંકી મારવામાં આવેલ. ઉત્તર કોરીયાએ પોતાના રાષ્ટ્રમાં કોરોના આવતો અટકાવવા માટે 'શુટ ટુ કીલ'ની નીતી અપનાવી છે. દ.કોરીયાના રાષ્ટ્રપતિ મુનને પત્ર પાઠવી કીમ-જોંગ ઉને માફી માગી લખ્યુ છે કે આવુ બનવુ જોઇતુ ન હતુ. ઉ-કોરીયાએ વિગતો જાહેર કરતા લખ્યુ છે કે આ વ્યકિત ઉપર ૧૦ શોટફાયર કરાયેલા. access_time 2:32 pm IST

  • નોબલ પારિતોષિક માટે હવે પુતીનનું નામ નોમિનેટ થયું: ડોનાલ્ડ ટ્રમ્પ પછી હવે રશિયન પ્રમુખ વ્લાદિમીર પુતીનનું નામ નોબલ શાંતિ પારિતોષિક માટે નોમિનેટ કરવામાં આવ્યું છે. જોકે ક્રેમલીને જાહેર કર્યું છે કે અમે પુતિનનું નામ નોમિનેટ કરેલ નથી. access_time 12:17 am IST

  • દેશમાં કોરોનાના કહેર વચ્ચે આજે નવા કેસ કરતા સ્વસ્થ થનારની સંખ્યામાં વધુ :કુલ કેસનો આંક 59 લાખને પાર પહોંચ્યો : રાત્રે 12-30 વાગ્યા સુધીમાં દેશમાં 85,465 નવા કેસ નોંધાયા : કુલ કેસની સંખ્યા 59,01.571 થઇ : 9,61,159 એક્ટીવ કેસ : વધુ 93,166 દર્દીઓ સ્વસ્થ થતા કુલ 48,46,168 રિકવર થયા : વધુ 1093 લોકોના મોત સાથે મૃત્યુઆંક 93,410 થયો access_time 12:51 am IST