રાજસ્થાનના 29 મેડલ વિજેતાઓને મળશે સરકારી નોકરી

નવી દિલ્હી: રાજસ્થાન સરકાર 'આઉટ ઓફ ટર્ન' ધોરણે રાજ્યના 29 રમત-ગમતના પદક વિજેતાઓની નિમણૂક કરશે અને રાજ્યના ખેલાડીઓને હવે દૈનિક ભથ્થા પણ બમણા મળશે. મુખ્ય પ્રધાન અશોક ગેહલોતે આ સંદર્ભેની દરખાસ્તોને મંજૂરી આપી દીધી છે. આ દરખાસ્ત મુજબ રાજસ્થાન પોલીસ સેવા, રાજસ્થાન આબકારી સેવા, રાજસ્થાન વન સેવા, રાજસ્થાન શિક્ષણ વિભાગ અને તકનીકી ઇજનેરી સેવામાં વર્ગ 'એ' ના 11 ખેલાડીઓની નિમણૂક કરવામાં આવશે. તેમાંથી છ ખેલાડીઓની નાયબ પોલીસ અધિક્ષક તરીકે નિમણૂક કરવામાં આવશે અને પાંચ ખેલાડીઓ સહાયક વન રક્ષક તરીકે નિયુક્તિ કરવામાં આવશે.