Gujarati News

Gujarati News

News of Monday, 1st March 2021

દીપિકાએ રામલીલા ફિલ્‍મ માટે ખૂબ જ મહેનત કરી હતીઃ રણવીરસિંહનો વીડિયો સોશ્‍યલ મીડિયામાં વાયરલઃ ખૂબ જ પ્રશંસા કરી

નવી દિલ્હી: દીપિકા પાદુકોણ માટે રણવીર સિંહનો પ્રેમ જગજાહેર છે અને આ પ્રેમને રણવીર અવારનવાર સોશિયલ મીડિયા પર વ્યક્ત કરતાં રહે છે. દીપિકાની દરેક પોસ્ટ પર રણવીર પોતાની કોમેન્ટ જરૂર આપે છે. તાજેતરમાં જ રણવીર સિંહનો એક વીડિયો સોશિયલ મીડીયા પર ખૂબ વાયરલ થઇ રહ્યો છે. જેમાં તે દીપિકાની પ્રશંસા કરતાં જોવા મળી રહ્યા છે. રણવીર સિંહે જણાવ્યું કે દીપિકાએ 'રામલીલા' ફિલ્મ માટે મહેનત કરી હતી. 

વાયરલ થઇ રહ્યો છે વીડિયો

વાયરલ થઇ રહેલા વીડિયોમાં રણવીર કહેતાં જોવા મળી રહ્યા છે ગીતના શૂટિંગ સમયે દીપિકાના તળિયાની આખી સ્કીન ઉતરી ગઇ હતી અને પગ આખો લાલ થઇ ગયો હતો. તેમને પરફોર્મ કર્યા બાદ ટેક થયો તો તે સેમી સર્કલમાં ફરી રહી હતી તો ત્યાં લોહીને ઘેરાવો થઇ ગયો હતો. આ હદે મહેનત કરીને તે અહી પહોંચી છે.

તમને જણાવી દઇએ કે આ વીડિયો ગત વર્ષે ડિસ્કવરી પર આવેલા એક શો 'મેગા આઇકન્સ'નો છે. જેમાં રણવીર કહે છે કે કઇ રીતે દિપીકાએ ફિલ્મ રામલીલાના ગીત 'નગાડા સંગ ઢોલ બાજે'માં ડાન્સ કર્યો અને કેટલી મુશ્કેલીઓ વેઠી.

આ ફિલ્મમાં રણવીર મળશે જોવા

રણવીરના વર્ક ફ્રંટની વાત કરીએ તો તે જલદી જ પોતાની આગામી ફિલ્મ જયેશ ભાઇ જોરદારમાં જોવા મળશે. ફિલ્મને દિવ્યાંગ ઠક્કર ડાયરેક્ટ કરી રહ્યા છે અને ફિલ્મનું પ્રોડક્શન મનીષ શર્મા અને યશરાજ ફિલ્મ્સ દ્રારા કરવામાં આવશે. આ ફિલ્મ 27 ઓગસ્ટ 2021માં રિલીઝ થશે. આ ઉપરાંત રણવીરની વધુ એક ફિલ્મ 83 રિલીઝ માટે તૈયાર છે જે 4 જૂન 2021 ના રોજ રિલીઝ થશે.

(5:02 pm IST)
  • મહારાષ્ટ્રમાં લોકડાઉન લગાડવા ઈચ્છતો નથી પરંતુ લોકો માસ્ક નહિ પહેરે તો મજબૂરીથી લાદવું પડશે : મુખ્યમંત્રી ઉદ્ધવ ઠાકરેની ચેતવણી : લોકો જો કોવીડના નિયમોનું પાલન નહીં કરે અને માસ્ક નહિ પહેરે તો લોકડાઉન લગાડવું પડશે access_time 11:31 pm IST

  • ત્રણ રાજ્યોમાં આજથી નવા ચીફ સેક્રેટરી કાર્યરત બન્યા છે. મહારાષ્ટ્રના ચીફ સેક્રેટરી તરીકે સીતારામ કુંતે, બિહારના ચીફ સેક્રેટરી તરીકે અરુણ કુમાર સિંઘ અને કેરાળાના મુખ્ય સચિવ તરીકે ડોક્ટર વી પી જોય એ ચાર્જ સંભાળી લીધો છે. પ્રથમ બે અધિકારીઓ ૧૯૮૫ની બેચના છે જ્યારે ડો. જોય ૧૯૮૭ની બેચના છે. access_time 7:42 pm IST

  • અમેરિકામાં ફરી કોરોના કેસો ઘટવા લાગ્યા, છેલ્લા ૨૪ કલાકમાં ૪૯ હજાર નવા કેસ નોંધાયા: બ્રાઝિલમાં ૩૪ હજાર, ફ્રાન્સમાં ૧૯ હજાર, ઇંગ્લેન્ડ અને જર્મનીમાં ૬ હજાર ભારતમાં ૧૫૫૦૦ અને યુનાઈટેડ આરબ અમીરાતમાં થોડા ઘટીને ૨૯૦૦ નવા કેસ નોંધાયા છે: જ્યારે ઓસ્ટ્રેલિયામાં ૫, ચીનમાં ૧૯ અને હોંગકોંગમાં ૨૨ નવા કોરોના કેસ નોંધાયા access_time 12:25 pm IST